Isaya 62 - KITAABA WAAQA

¹ Anini maro Yerusalemu inuma dubbad'a, haga Sioni baasani, d'ugaani isii aka ifse halkaniini bibilit'uti, afaani inqabad'u.

² Ee Yerusalemu, gochiti ch'ufti d'uga tante agarte, hayyooti worraa ch'ufti guddinna kanke argiti; maqa hareesa AABBO Waaqi sii kennuni si yaamani.

³ Atini sure hayyu mid'aadu AABBO Waaqaa taata.

⁴ Deebiani ta lakisani siini injed'ani yokhaani lafa tanteetileeni, Niiti d'iirsi baase injed'ani. Maqaani kanke amma, Waaqi ya isi jaalate taha, lafa tanteetileeni, Ta gammadaani fuud'ani jed'ani, wonti akanatiifi AABBO Waaqati si jaalate, lafa tanteeti d'iirsa taha.

⁵ Akuma kaimi dubra fuud'u, ka si uumeleeni si fuud'a. Akuma nami dubra fuud'a intala iraa gammadu, akasuma Waaqi kanke siraa gammada.

⁶ Ee Yerusalemu, naabo tante gubbati anini yayu nama lafa eegu kaye worri halkanifi guyyale afaani inqabatu. Worri waan AABBO Waaqi kakhate qaabsise ded'u isaa d'owu male.

⁷ Ammalle worri isa hafuura baasu himmalle, haga inni Yerusalemu mid'aase, dira lafti ch'ufti faarsitu tolchuti.

⁸ AABBO Waaqi yayu kakhu jabdu kakhate, jabeenna ufitini kakhu suni guuta: nyaapi kanke deebie mid'aani kanke inyaatu, nami gosa d'ibileeni deebie daad'i atini mid'aasite ind'ugu.

⁹ Ammo isani ka mid'aani fach'aaftani murtani, qit'a nyaatani AABBO Waaqale faarsitani. Isani ka mid'aani zabibu guurtani, daad'i isii naabo Mana kiyya keesati d'uddani.

¹⁰ Worra Yerusalemu, dira keesaa baha, worra keesani ka galu kara mid'aasa! Kara balla ch'ira, d'akha keesaa guura! Baandera oliqaba, gosa ch'ufa garsiisa.

¹¹ AABBO Waaqi yayu dubbi tana muumme lafati hime waan jed'e. Waan isani gumi Yerusalemutini jettani, me ilaala, nami isani baasu d'ufuu jira! Inni gumi baaseni d'ufuu jira.

¹² Gumi Waaqi baase isaniini jed'ani. Sileeni, Yerusalemu, dira Waaqi jaalatu, ka inni illakimne jed'ani.