Isaya 60 - KITAABA WAAQA

¹ Yerusalemu, kai, aka adu ifsi; guddinni AABBO Waaqa siti ifsuu jira!

² Gosa d'ibi dukanti d'ossite, ammo sii ifsa AABBO Waaqati ifsa; si keesati guddinni isaa bibiliqe mullata.

³ Gochiti d'ibiini ifsa keetiti d'ufte, hayyootileeni ifsa kanke ka bariiti yaati.

⁴ Me millad'a, waan taha kana ilaala: worri kanke wolti bahe siti galuu jira. Ilmaani tante ta d'iira lafa fagooti d'ufte, dubra tantele hamparaani d'ufanini.

⁵ Atini waan kana arginaani gammade qilit'amta. Hormaati gosa d'ibi siti d'ufe, baariini gamale wonti worri qabu sii d'ufti.

⁶ Geejibi gaalaa hedduuni ka lafa Midianitifi Efa d'ufe, worri Shebaleeni worqifi hit'aanaani d'ufe, odu dansa ta waan AABBO Waaqi tolche odeesani!

⁷ Hooliye Kedaritifi ta Nebayothi ch'ufa sitiini d'ufani, sorio qalani waan mesa fakaata irati baasani, AABBO Waaqa gammachiisani. AABBO Waaqi mana isaa haga qara kaani ira mid'aasa.

⁸ Hobolooni aka dumansaa yaate, aka sabalisa worra ufiti galu jirtu tunini maani?

⁹ Hobolooni sunini lafa fagooti gumi Waaqatini d'ufti. Isiini qarsifi worqi maqa AABBO Waaqa qulqullo Israelitini guddisaniini d'ufti — Waaqa ka gosa ch'ufa gumi isaa guddisisu.

¹⁰ AABBO Waaqi waan Yerusalemuni jed'u, Nyaapi naabo te jaare hayyooti worraleeni sii hojati. Anini duri dallane isani gaargalche, ammo ammatana isanii nahe eeba isanii kenna.

¹¹ Halkani guyya fullooni teesani banamte, hayyooti gosa d'ibi hori ufitini isanii d'ufti.

¹² Ammo gosa isani hojachu diddu lafaa iraa balleesani.

¹³ Mukeeni d'ed'eertu badda Lebanoni sitiini d'ufani, mana kiyya qulqullooni barreesani dira kiyya mid'aasani.

¹⁴ Duuba ilmaani worra qara si dabse taani d'ufte si dura gajejette si guddifte, worri duri si tufate kaani miilati jige si kad'ata. Duuba dira AABBO Waaqa, Sioni, dira Waaqa qulqullo Israeli siini jed'ani.

¹⁵ Deebiani si jibbani aka dira bade ona tahe si biraa ingodaanani. Anini dira gudda mid'aaga si tolcha, ka hagu jiru jireenna nami keesati gammadu.

¹⁶ Gosa d'ibifi hayyooti worraleeni akuma niiti daima hoosiftu si qorqoratti. Duuba atini akasiini aka anini, AABBO Waaqi si baase, Waaqi guddaani Israeli si balchoomsu beeta.

¹⁷ Anini fulla sibiila diima worqiini sii d'ufe, fulla mukhaafi sibiila guraacha qarsifi sibiila diimani sii d'ufe, fulla d'akhaa sibiila guraachani sii d'ufa. Nami si mohatu deebie si indabsu; anati d'ugaafi nagaya worri namaani mohatu worraa kenna.

¹⁸ Woraana deebiani si keesati ind'agayani — woni hamtuuni tokoleeni deebite si qabatte si imballeesitu. Anini naabo si tahe si qorqorad'a waan anini si baaseefi na faarsita.

¹⁹ Ifsa guyya ka adu deebite imbarbaadu, halkanile ifsa jiale woma ira inqabdu; ifsaani kanke ka jiru jireenna anuma, AABBO Waaqa, ifsaani guddinna kiyyaleeni sii ifsa.

²⁰ Guyyaani kanke ka laalala inhobaa. Anini, AABBO Waaqi, ifsa jiru jireenna, ka aduufi jiale ira sii ifsu, sii taha.

²¹ Gumiini tante ch'ufti waan d'uga tolchite, haga jiru jireenna laftileeni ta worraa tati. Anini worra oobre mid'aasa, aka nami ch'ufti guddinna kiyya argu.

²² Worri kanke, ka nami isaa diqaa, gosa guddo irre qabdu taha. Hojja guyyaani gahe, anini waan kana hurrise tolcha; anini AABBO Waaqa.