Isaya 57 - KITAABA WAAQA

¹ Nami d'ugaa indua, ammo nami waan isaa herege yokhaani yaalu injiru. Ammo ato innileeni due, badiini tokoleeni ta isa qabatu injirtu.

² Nami d'ugaafi qajeelumaani deemu nagaya argate, yo duele lubbuuni isaa boqoti.

³ Arma fulla qorsumati koota, dabdoole! Isani falfaltufi nama nad'eeni biyya baratufi sharmut'a ira injirtani.

⁴ Isani eenu goyeesitani? Isani eenu miitani, teetani akana iti tabatani?

⁵ Isani mukha woyyu jaalati woli d'araatani woli bira raftani. Isani ijoolle teesani goda d'akhaatifi bale keesati sorio baaftani.

⁶ Isani d'akha qulqullicha achi fuutani, old'ad'aabdani, waaqa jettani kad'attani. Ammalle daad'i iti d'ibaafattani, mid'aani kennitaniifi. Isani waan anini waan kana ch'ufa iraa gammadu seetani?

⁷ Ammalle isani gaareeni d'ed'eertu d'at'ani sorio baaftani achiti woliini raftani.

⁸ Isani afaani balbala teesani yokhaani d'aatu mikhikila balabala akheekha waaqa keesani ka d'ara old'aabdani. Isani na lakiftani, woya yaafatani, sire teesani gugurdo kortani beese baaftani, nad'eeni woliini bultani, achiti waan d'araatanifi kaani ch'ufa quuftani.

⁹ Isani qayya naqattani d'ad'a ibsatani, waaqa keesani ka Moleki jed'ani kad'achu d'at'ani. Isani barbaada waaqoota nama fulla ch'ufaa ergitani, fulla ekheraani teetuleeni baatani.

¹⁰ Isani waaqoota d'ibi barbaaddani, ufi dad'absiiftani, jibbaachu dad'abdani. Ammalle waan irre isani qabdani tana waaqooti teesani ta d'ara suni isanii kennite seetani.

¹¹ AABBO Waaqi waan jed'u, Waaqi isani sodaachise lubbu isani naqu kunini kami kana, ka isani d'ara nati dubbatani na deetani? Waan anini guyya heddu afaani qabad'eefi na sodaachu diddani?

¹² Isani waan tau jirtani kana dansaa seetani, ammo anini ch'eera keesani mullisa, waaqooti teesani ta d'ara suni dandeete isani inqarqaartu.

¹³ Hojja isani qarqaarsa kad'attani, waaqooti teesani ta d'ara suni ha isani qarqaartu! Waaqooti suni ufiftu qilleensi diqaani tokoleeni afufe balleesa! Ammo worri na d'ugeefatu lafa tana keesa tae Mana kiyya keesati na kad'ata.

Aka Waaqi worra qarqaare fayyisu

¹⁴ AABBO Waaqi waan jed'u, Gumiini tiyya ha naa galtu. Gufu ch'ufa duraa gorsa, kara ch'ira, kurfeesa!

¹⁵ Anini Waaqa gudda, qulqullo, haga jirule tau. Anini gubba fulla qulqullo taa, ammo nama ch'ubbu iraa deebie ufi diqeesule woliini taa, aka akasiini garaa worraa jabeese abdi kennuufi.

¹⁶ Anini duri gumi tiyya jireese duuba deebie worra inhimad'u, yokhaani haga jiru jireenna iti indallanu.

¹⁷ Maro ch'ubbufi sabdooma worraatifi anini worrati dallane, tanaafi worra gaargalche yaala bahe. Ammo worri mataa jabaate, kara ufi lakisu dide.

¹⁸ Anini waan worri tahe ya arge, ammo inuma fayyisa. Anini worra dura deeme qarqaare nama bohule garaa jabeesa.

¹⁹ Anini nama fagootifi ka d'iole nagaya isanii kenna jed'e worra fayyisa.

²⁰ Ammo worri ch'ubbuu baariini wold'au fakaata, ka d'awani isaa ejachu dide t'uriifi d'oqeeni d'uftu.

²¹ AABBO Waaqi waan jed'u, ch'ubbichi nagaya inqabu.