Isaya 56 - KITAABA WAAQA

¹ AABBO Waaqi waan jed'u, D'ugaafi qajeeluma tolcha, wonti akanatiifi baafami kiyya ya d'iaate.

² Anini nama guyya Sabato jabeese guute, akasiini t'ureesu didu, ka waan hamtu tolchu didu, ineebisaafi.

³ Nami gosa d'ibi ka gumi AABBO Waaqati darame, AABBO Waaqi gumi isati na inheregu injed'ini, nami sangisisanileeni, Anini deebie woma ind'alu akuma mukha gogoge jira ufiini injed'ini.

⁴ AABBO Waaqi waan nama akasi sunini jed'u: yo atini naa saalfate, guyya Sabato jabeesite waan na gammachiisa tolchite wold'aqisa kiyyale jabeesite,

⁵ maqa kanke mana kiyya keesafi gumi tiyya keesaleti inuma qaabatani, haga nama ilmaani d'iiratifi ta dubra qabule ira. Haga jiru jireenna si inded'ani.

⁶ Ammalle AABBO Waaqi nama gosa d'ibi ka gumi isati darame isaa jaalate isa hojate, guyya Sabato guute wold'aqisa isaa jabeesuni, waan jed'uuni,

⁷ Anini Sioni, gaara kiyya qulqullooti, isani geese, Mana kiyya ka iti na kad'ataniti isani gammachiise, sorio isani naa baaftanile isani iraa fud'ad'a. Mana kiyyaani, fulla gochiti ch'ufti Waaqa iti kad'atu jed'ani.

⁸ AABBO Waaqi guddaani ka gumi isaa ta Israeli ta boojiani galche, waan jed'u, Anini nama d'ibi ka boojianile galche, worra woliini teesisa.

Aka jaarole Israeli wollaala iti murani

⁹ Bineensa ala, koota, bineensa badda keesa jiru tokole inhafina, koota nyaad'a.

¹⁰ Jaaroleeni Israeli ch'ufti ta sila worra kiyya gorsitu balla! Worri woma imbeekhu, akuma sare wo eeddu ta indunne jira — ta ufumaa ch'iifte oobjatte iriiba ch'alla jaalattu!

¹¹ Worri sare sabdi woma inquumne fakaata. Worri tissitu woma imbeenne, ta fed'i ufi ch'alla gula deemte waan horattu ch'alla barbaaddu fakaata.

¹² Worri ch'ufti waan woliini jed'u, Koota, daad'i barbaanne, farso d'unne machoomna, guyyaani bori ka arrafa ira jira.