Isaya 39 - KITAABA WAAQA

¹ Bara suni hayyuuni Babiloni, ka Merodaka — Baladani, ilma Baladani jed'ani, aka Hezekiani fayya d'abe d'agaye, tatabeefi waan d'ibi ergeefi.

² Hezekiani worra ergaani d'ufe suni aka dansa d'ieese, durooma qabu ch'ufa worra garsiise — qarsi worqi, qumbifi qayya, ammalle miha isaa ka lola ch'ufa. Wonti inni olikaye ka mana isaa keesa jiraatiifi ka fulla d'ibi jiraleeni ka inni worra ingarsiisini injirtu.

³ Jennaani raagi Isayaani gara hayyu Hezekia d'aqe waan jed'eeni, Worri kunini eesaa d'ufe? Worri maani siini jed'e? Hezekiani waan jed'eeni, worri lafa tanaa ind'umne, Babiloni d'ufe, lafa ind'iaanne.

⁴ Worri maani mana kanke keesati arge? Worri waan ch'ufa arge, wonti anini worra ingarsiisini injirtu.

⁵ Jennaani Isayaani waan hayyuuni jed'e, AABBO Waaqi guddaani waan jed'u,

⁶ Guyyaani ind'ufa, ka waan mana kanke keesa jira ch'ufafi waan ababooti tante olkeetele ch'ufa fuud'ani, lafa Babiloni geesani, wonti tokoleeni inhaftu.

⁷ Ilmaani atini d'altele haga toko boojiani, sasangisiisani, mana hayyu Babiloni keesa hojachiisani.

⁸ Jennaani Hezekiani waan Isayaani jed'e, Dubbini AABBO Waaqa ta atini nati himte tunini waan dansa. Wonti Hezekiani akasi jed'eefi, inni waan sehe waan haga inni lafa fidu lafti nagaya taatu sehe.