Isaya 38 - KITAABA WAAQA

¹ Bara suni Hezekiani fayya d'abe duu gahe. Raagi Isayaani, ilmi Amozi, isa argu d'aqe waan jed'eeni, AABBO Waaqi waan siini jed'u waan kanke ch'ufa mid'aafad'u, d'aamad'u atini d'ukuba kana iraa inhaftu, indoota.

² Jennaani Hezekiani fuula manati deefate Waaqa kad'ate waan jed'e,

³ Ee AABBO Waaqa aka anini garaa tokooni si hojad'e si saalfad'e woma atini feetu ch'alla tolche qaabad'u akasi jed'e aka hama bohe.

⁴ Jennaani AABBO Waaqi waan Isayaani jed'e,

⁵ Deebii, waan Hezekiani jettu, Anini, AABBO Waaqi, Waaqi ababo kanke Daudi, yayu kad'acha tante d'agaye imimaani kanke arge. Amma ganna kud'ani shani guyya kanketi sii dara.

⁶ Anini ammalle siifi dira Yerusalemu kana harka hayyu Ashuru keesaa baase, dira sunile jabeese, nyaapa iraa d'owa.

⁷ AABBO Waaqi akheekha kana sii kenne akanaani kakhu isaa guuta.

⁸ Faano hayyu Ahazini jaare gubbaa AABBO Waaqi gaandidu ejata kud'ani dudda duubati deebisa. Duuba gaandiduuni ejata kud'ani dudda duubati deebite.

⁹ Hezekiani fayya d'aba fayye jennaani faaru tana t'aafe waan jed'e,

¹⁰ Anini ch'imuma tiyya keesa ato jaare ufi injibbaatini waan due fulla ekheraati deemu ufi sehe,

¹¹ waan jed'e, Lafa tana irati deebie AABBO Waaqafi nama lubbu qabu inargu.

¹² Akuma waaro buqisani fuud'ani lubbu tiyya naraa fuud'ani, akuma woya naraa kutani wolti dachaasani. Anini waan Waaqi lubbu nara fuud'u sehe.

¹³ Anini halkani ch'ufa aka waan nyeench'i lafe na ch'absu jiru d'ukubsad'e bohe, waan Waaqi lubbu nara fuud'u sehe.

¹⁴ Qonqooni tiyya laafte qallatte qonqo sabalisa fakaate. Waan anini hojja ch'ufa tae Waaqa ilaalufi ilti na aarte. Aabbo, gaargala kana ch'ufa keesaa na baasi.

¹⁵ Ammo anini maani jechu dandaa? AABBO Waaqati waan kana na tolche. Garaani na hamate, hiribi ila keesa na bade.

¹⁶ Aabbo, anini si male woma inqabu, jireenni kiyya siuma; na fayyisi, na jireesi.

¹⁷ Garaani kiyya ka qara hamate garagale, amma nagaya horata. Atini lubbu tiyya waan hamtu ch'ufa duraa baafte, ch'ubbu tiyya dudda iti galte na araaramte.

¹⁸ Nami fulla Ekhera jiru tokoleeni dandae si infaarsu, ekheraani dandeete si d'ugeefatte si inabdattu.

¹⁹ Nama lubbu qabuti dandae si faarsa, akuma anini amma tae si faarsu kana. Abbootini d'uga tante ilmaani ufii barsiifti.

²⁰ AABBO Waaqa, atini la na fayyifte. Nu ammatana haga jiru kirari d'oofne Mana kanke keesati si faarsina.

²¹ Duuba Isayaani qara waan jed'e, Mid'aani oda fuud'a, d'ulla isaati mat'ansa, duuba inni infayya.

²² Wonti inni akasi jed'eefi hayyu Hezekiani qara, Akheekhi anini Mana Waaqatini seenu kami? Jed'e isa gaafate.