Isaya 37 - KITAABA WAAQA

¹ Hayyu Hezekiani akuma qonqo worra kaani d'agayeeni laalefate woya ufi tatarsaase ch'arqi naqate Mana AABBO Waaqa d'aqe.

² Inni Eliakimu, ka mana hayyuti guddatifi Shebna, ka tatabe hayyu t'aafufi qaalole gugurdole gara raaga Isaya, ilma Amozi, erge, worrileeni ch'ufti woya ch'arqi naqate.

³ D'aamsi inni, Isayati hima jed'e kana: Arriti guyya gaargalaati ka nu gaargalchani nu ch'eersani. Nu niiti dau jirtu ta ilme irre d'iibatuni d'abde fakaanna.

⁴ Hayyuuni Ashuru yayu namicha gudda hojatu isaa, Waaqa gudda arabsi jed'e erge. AABBO Waaqi kanke ha araba kana d'agaye worra isa arabsu kana gaargalchuti. Tanaafi atini amma worra keenna ka hafe Waaqa kad'ad'i.

⁵ Isayaani d'aamsa hayyu Hezekia d'agaye jennaani,

⁶ qonqo deebiseefi waan jed'e: AABBO Waaqi waan jed'u, Dubbi hojatu Ashuru, ta worri na arabse tana jettani insodaatina.

⁷ Anini hayyicha odu lafa isaati isa deebiftu d'ageesise duuba achiti isa ijeesa.

Aka worri Asuru ammalle worra Israeli naasise

⁸ Namichi Ashuru guddaani kaani aka hayyichi isaani Lakishi bahe, dira Libna ka d'aatu suni jiru had'uu jiru d'agaye. Tanaafi inni achiti isa argu d'aqe.

⁹ Jennaani qonqooni worra Ashuruti d'ufte waan jette, Duuli Misiri, ka hayyu Tirhaka, ka worra Kushi iti abba, had'iisa keesani d'ufuti jira. Hayyuuni Ashuru dubbi suni d'agaye jennaani qonqo gara hayyu Yuda,

¹⁰ ka Hezekia jed'ani, erge waan jed'eeni, Waaqi isani d'ugeefatani, diri Yerusalemu harka hayyu Ashuru keesa inseenu jed'e isani insobini.

¹¹ Waan hayyuuni Ashuru lafa inni balleesu fed'u ch'ufa tolchu ya d'ageetani isani mala keesani waan jalaa baatani seetani?

¹² Ababooti tiyya dira Gosani fa, ka Harani fa, ammalle ka Resefu fa balleesite, worra Beth-Edeni ka lafa Telasari keesa jiru hobaafte waaqi worraa tokoleeni worra baasu dad'abe.

¹³ Hayyooti Hamathi, ta Arpadi, ta Sefarvaimu ta Henatifi ta Ivaleeni amma me?

¹⁴ Hezekiani tatabe worra suni iraa fuud'e soome mana AABBO Waaqa d'aqe, tatabe suni AABBO Waaqa dura kaye

¹⁵ Waaqa kad'ate waan jed'e,

¹⁶ Ee AABBO Waaqa, Waaqa Israeli ka barch'uma kanke ka waan lubbu qabu ka koola gubbaa jiru ira teetu, siuma ch'allati lafafi gubba uume lafafi nama ch'ufa fida.

¹⁷ Amma, ee AABBO Waaqa, nu d'agayi, waan harkaa nu qaba kana argi, araba Senakeribuni sii Waaqa gudda arabsu kana ch'ufa d'agayi.

¹⁸ D'uguma AABBO Waaqa, hayyooti Ashuru yayu gosa heddu hobaafte lafa worrale balleesite.

¹⁹ Waaqa worrale ch'ufa gubde waaqa woma keesa injirre, ka nami mukhaafi d'akha boch'e harkaani mid'aafatu.

²⁰ Ammatana ee AABBO Waaqa keenna, harka worra Ashuru kana keesaa nu baasi, duuba akasiini gochiti lafa keesa jirtu ch'ufti aka atini ch'allaani AABBO Waaqa beeti.

Qonqo Isayaani hayyuti erge

²¹ Jennaani Isayaani, ilmi Amozi, qonqo gara Hezekia erge waan jed'e, AABBO Waaqi Israeli waan jed'u: Anini kad'acha atini waan Senakeribu, hayyu Ashuru, na kad'ate ya d'agaye.

²² Wonti isaa ka AABBO Waaqi dubbate tana: Ee Senakeribu, diri Yerusalemu si koble si goyeese si tufata.

²³ Nama atini arabsite goyeesite kana eenu seeta? Nami atini tufate sunini anuma, Waaqa Israeli qulqullo.

²⁴ Atini qonqo namaani ergite d'aade waan nani jette, Anini gaari kiyyaani fiit'e gaareeni Lebanoni ch'ufa kore dabsad'e. Ammalle anini yayu hind'eesa d'ed'eeraafi mukeeni haru ch'ufa ch'irad'e badda keesa lit'e fulla ch'ufa gahe.

²⁵ Ammalle anini yayu lafa nyaapa ch'ufa d'aqe eela qotad'e bisaani keesaa d'uge, ammalle miili askarti tiyya ya galaana Misiri gosse.

²⁶ Atini aka anini waan suni ch'ufa herege si tolchisise ind'ageenne? Anini amma waan suni ch'ufa ya tolche guute, nami irre atini dira jajabaani ch'absite bulleesite sii kenne anuma.

²⁷ Worri dira suni keesa tauleeni irre d'abe mudame sodaate. Worri sunini buuyo diida yokhaani raafu mana gubbatu baatu, ta qilleensi owani ilaboruuti d'ufe balleesu, fakaata.

²⁸ Ammo anini waan kanke ch'ufa imbeekha, waan atini tolchitufi fulla atini deemtule. D'aadufi kiyyiba kanke anini imbeekha.

²⁹ Anini yayu kiyyiba kanke suni d'agaye tanaafi amma kiyyoofi lugama siti kaye si hirkise kara atini d'ufte kaani si deebisa.

³⁰ Jennaani Isayaani waan hayyuuni jed'e, Waan kanati akheekha sii taha. Ganna kanafi ganna d'ufu, mid'aanuma ufumaani baha nyaata, ammo ganna sadeeso atini mid'aani fach'aafte murate zabibu oobrate mid'aani isii nyaata.

³¹ Worri Yuda ka hafu, akuma mukha hiddi isaa aka dansaa lafa keesa seene late mid'aani baasu jira.

³² Yerusalemufi gaara Sioni gubbati nami inuma hafa, wonti akanatiifi AABBO Waaqi waan suni tolchu male intau.

³³ Wonti Waaqi jed'e tana: Inni dira kana seene, t'iya tokole indarbatu. Askartini wonte qabdu tokoleeni dira suniti ind'iaatu. Ammalle booliti qotani dira sunini marsani injirtu.

³⁴ Inni ka dira inseene, karuma d'ufe deebia. Tunini dubbi AABBO Waaqi jed'e.

³⁵ Anini dira kana nyaapa iraa d'owe baasa, maro guddinna kiyyatifi ammalle maro kakhu ta anini hojatu tiyya Dauditi kakhad'eefi.

³⁶ Malaikani AABBO Waaqa fulla duuli Ashuru jiru d'at'e, askarti nama kuma d'ibbafi saddeetami shani hobaafte, boriyyaate lafti bariinaani nami reefa ufuma ch'iisu arge.

³⁷ Jennaani hayyuuni Ashuru, ka Senakeribu jed'ani kaani, kae Ninawiti gale.

³⁸ Guyya toko, ato inni mana waaqa isaa, ka Nizroki jed'ani, keesa tae waaqa kad'atu, ilmaani isaa lama, Adramelekifi Sharezani goraade ufitini isa ijeefte, lafa Araratiti baqatte. Duuba ilmi isaa ka Esar-Hadoni jed'ani fulla isaa hayyu tahe.