Isaya 35 - KITAABA WAAQA

¹ Lafti gamooji gammade, lafti aloo daraarti;

² lafti gamooji gammade iyyite sirbiti; isiini aka gaareeni Lebanoni mid'aade, aka oobru lafa karmelitifi Sharoni sagale baafti. Nami ch'ufti mid'aagumafi guddinnaafi jabeenna AABBO Waaqa arga.

³ Harka dad'abbi qabuufi miila lalaafe hollatu jabeesa, nama garaa lafeeni waan jettani, garaa jabaad'a, insodaatina,

⁴ Waaqi ya isani baasu d'ufe, aka nyaapa keesani balleesu.

⁵ Gaafasi ballaani lafa arge, duudani wo d'agaye.

⁶ Naafi aka hiddii buraaqe, dudaani woma indubbanneleeni gammadaani sirba. Bisaani madda lafa gamooji keesaa yaani,

⁷ maansi aka ibida bobau kaani haro bisaani tahe, lafti godduleeni madditi. Fulla duri sareeni diida iti galtu buuyofi ilaadufi meelati baha.

⁸ Kara gudda tokoti achi jira, ka kara Qulqullooma jed'aniini. Nami ch'ubbu qabu, ka kara suni suni gula deemu injiru, daalleleeni nama kara suni gula deemu iraa ingorsitu.

⁹ Nyeench'i tokoleeni achi injiru, bineensi hamaleeni kara suni gula indeemu, nama AABBO Waaqi baase ch'allati kara suni gula yaa.

¹⁰ Worri Waaqi baase sunini sirbe gammade Yerusalemuti gala. Worri haga jiru jireenna gammada, laalefachaafi booti worra biraa baqatti.