Isaya 34 - KITAABA WAAQA

¹ Gosa ch'ufa koota, asi wolti baha, ch'aqasa. Lafa ch'ufafi nami keesa jiru ch'ufti ha arma d'ufe wo d'agayu.

² AABBO Waaqi yayu gosa ch'ufafi duula worraleeti dallane baddi iti mure.

³ Reefa worraa inawaalani akanumati lakisani artumati ajae shame bada; gaareeni ira d'iigi worraa aka laga yaa.

⁴ Aduufi jiaafi urjileeni bulloofte awaara taati. Gubbaani aka woraqata wolti dachaasani wolti deebite baddi. Urjileeni akuma obeensa zabibutifi yokhaani ka oda jidde baddi.

⁵ AABBO Waaqi yayu goraade ufi gubbati kurfeese, isiini d'ufte Edomu woraanti, worra inni baddi iti mure kaani.

⁶ Goraadeeni isaa d'iigaafi gabbinnaani ka d'iigaafi gabbinna ilmoole hoolaatifi elemiyeefi korbeeyyi ta sorio qalani fakaatuni ch'uubamti. AABBO Waaqi sorio tana dira Bosra keesati qale lafa Edomu keesaleti waan guddo qala.

⁷ Biyyiti akuma gafarsaatifi jiboota lafa dod'oofte laftileeni d'iigaani badde, biyyeleeni d'ad'ani fiilti.

⁸ Tunini hojja AABBO Waaqi worra Sioni baase nyaapa isaani balleese akasiini haalo baasufi.

⁹ Bisaani galaana Edomu garagalani gogogani, biyyeeni isiileeni garagalte dillo taate, lafti ch'ufti aka kosi gubani gubati.

¹⁰ Isiini halkani guyya ind'aamtu, aarileeni haga jiru jireenna keesaa yaa, bara ch'ufa lafti badde akanumati ona taate, deebie miili namaa keesa inejatu.

¹¹ Urungufi haranqeesa male waan d'ibi keesati inargani. AABBO Waaqi lafa balleese duwa tolche akanumati lakisa.

¹² Lafa keesa hayyu d'abani, jari gugurdaani isa jala hojatuleeni ch'ufti bada.

¹³ Qoraatifi goraani maneeni hayyuutifi dira gugurda jabeesani jaarani keesati bahe sare diidatifi urunguni iti galti.

¹⁴ Bineensa alaatifi worabeesi wolti bahe, jinnileeni woli yaamte goorjami halkani achi d'ufe fulla tau barbaada.

¹⁵ Urunguni achiti mana jaarate okhokaani d'alte, baqasite ilmaani isii guddifti. Allaatileeni achiti d'altufi kormani, wolti baati.

¹⁶ Kitaaba AABBO Waaqa ka waan bineensa keesati t'aafani barbaada sooma. Bineensa kana tokole keesa ind'abdani, inni ch'ufti d'alaafi korma qaba. Nami bineensa kana wolti baase AABBO Waaqa, isumati wolti yaame.

¹⁷ Nami lafa suni bineensa ch'ufaa gargari qoode kennuufi AABBO Waaqa. Bineensi sunini bara ch'ufa achiti gala lafti sunini haga jiru jireenna ta worraa taati.