Isaya 29 - KITAABA WAAQA

¹ Diri Waaqa, Yerusalemuni, ka sorio keesati isaa baasani ya bade! Diri Daudini iti qubate ya bade! Akuma ganni dabruuni, ha jila wogaale tolfataniti.

² Duuba Waaqi dira Yerusalemu, ka fulla sorio keesati isaa baasani jed'ani, suni gaargala itiini d'ufa. Laalefatani bohani, ammalle diri sunileeni ch'ufti fulla sorio iti qalani ta d'iigi balleese nati fakaata.

³ Waaqi dira suni marse had'a.

⁴ Yerusalemuni ekhera fakaati, ta lafa jalaa dubbattu, isiini akuma qonqo laato ta awaara keesaa d'uftu jirti.

⁵ Ee Yerusalemu, nyaapi si had'u ch'ufti aka awaara bubbeeni fuutu fuud'ama; duuli worraa ka nama mudamsiisuleni aka buuyo bubbeeni fuutu taha. Ato nami imbeenne

⁶ AABBO Waaqi guddaani tassa d'ufe, mandie lafa chochoose, bubbe isaniti erge, ibida lafati kaye akanaani isani baasa.

⁷ Duuba duuli gosa ch'ufaa, ka dira Waaqa fulla sorio keesati baasani had'u — miha lola ka worri qabu ch'ufa woliini haguma gahuni akuma oobju bada, yokhaani akuma waan halkani daayyani argani.

⁸ Gochiti ch'ufti ta wolti baate Yerusalemu had'u feetu, nama beelti ijeefte, ka oobjuuni wo sooratte ammo beelaani lafaa kau fakaata, yokhaani nama d'eebuuni ijeefte, ka oobjuuni wo d'uge, ammo d'eebuuni lafaa kau fakaata.

Gorsa nami d'agayu dide

⁹ Beena, ufi dadaleesa! Ila ufi duducha, lafa argu dad'aba! Daad'i male machaa! Farso male dadaaqa!

¹⁰ AABBO Waaqi yayu mugaati isaaniti buuse hiribi isani qabate. Raagooti sila ila namaa tahu malte, ammo Waaqi yayu ila ch'ufe.

¹¹ Waan daayyani raagoota d'ooftu ch'ufa ya isani duraa d'ossani isiini woraqata ch'ufani fakaati. Yo isani woraqata suni nama soomu beekhuti geesitani, Naa soomi jettaniini, inni waan isaniini jed'u, Anini soomu indandau wonti akanatiifi ya ch'ufani.

¹² Yokhaani hojja isani nama soomu imbeenneti kennitani, Nu soomi jettani, inni waan isaniini jed'u, Anini soomu imbeekhu.

¹³ Aabbo Waaqi waan jed'u, worri kunini afaanini na sosobe si kad'anna nani jed'a, ammo garaani isaani gara kiyya injiru. Aadaani worraa woma nami ufiini ga baase tolfatu, ka namu mataani barate.

¹⁴ Tanaafi anini gumi tana waan mama iti buuse worra mamsiisa. Qaroomi qaroo bade, qalbiini nama wo beekhu lafaa d'abani.

Abdi takaa tana

¹⁵ Worri haga dandau mala ufi AABBO Waaqa d'ofatu ya bade! Worri d'ossani wo tolche waan jed'u, Eenuti na arga. yokhaani eenuti quba quba?

¹⁶ Worri waan ch'ufa garagalcha. Okotee faaratifi nama isi mid'aasu eenuti ira jaba? Wonti nami mid'aase dandeete nama isi mid'aase sunini, Atini na mid'aasini injetti? Yokhaani dandeete, Atini waan taatu imbeetu injetti?

¹⁷ D'iotu baddaani Lebanoni lafa oobru taate, lafti oobruleeni deebite badda intaatu?

¹⁸ Gaafasi duudaleeni dubbi kitaaba ta soomani d'agaye, ballaleeni ka duri lafti iti dukanooftu amma ila banate wo arga.

¹⁹ Hiyyeesafi nami guddinna inqamneleeni deebie gammade waan AABBO Waaqi qulqullooni Israeli namaa kennu argata.

²⁰ Nami nama dabsufi ka Waaqa tufatu bade nama ch'ubbu qabu ch'ufti hobaa.

²¹ Ammalle Waaqi nama gurra nama yakufi ka nama wo yakele dubbi keesa ira ch'iisufi, ka d'ara dubbate nama sila d'uga qabu d'uga d'owu imballeesa.

²² Tanaafi ammatana AABBO Waaqi Israeli, ka Abrahamu duri gaargala keesaa baase, waan jed'u, Gumi tiyya ta Yakobo deebiani inch'eersani, fuuli worraa deebie ch'eeraani inhamaatu.

²³ Hojja worri ilmaani anini worraa kennu argu, worri hojja suni aka anini Waaqa qulqullo Israeli beekhe, na guddise na sodaata.

²⁴ Daalleeni wo barate, nami guyya ch'ufa gungumu waan isa barsiisani ee jed'e fud'ata.