Isaya 28 - KITAABA WAAQA

¹ Worri lafa Efraimu ke tau ya bade! Guddinni worraa, akuma daraara mata jaarole worraa ira kayani ta Farso d'udde machoofte baddu, baduu jira. Mata worraa d'ad'a urgaa dibani ammo worri achi machiini hobae ufumaa ch'iisa.

² Aabbo Waaqi nama jaba irre qabu, ka worra had'u, ya kurfeese, ka aka bokaya d'akhaani roobutifi bokaya guddaafi fach'aa bisaani d'ufe lafa fud'atu.

³ Waan jaaroleeni machoofte taani mata ira naqatte kiyyibduuni lafati ira ejaanjatani.

⁴ Guddinni jaarole kiyyibduuleeni imbada, akuma mid'aani oda ka qaraa bahe ka hojja bilchaatani maro tokotu buqisani nyaatani.

⁵ Guyyaani ind'ufa, ka AABBO Waaqi guddaani worra isaa ka hafe, daraara mata nama ira kayani fakaatu.

⁶ Inni nama dubbi qoru qajeelche d'uga garsiisa; ammalle worra balbala fullo diraa qorqoratule jabeenna tahafi.

Isayafi raagoota Yuda ta machooftu

⁷ Raagootafi qaaloleeni farso d'udde, aka male machoofte dadaat'i. Worri aka male daad'ifi farso d'uge, machae gugufachaa yaa. Raagooti aka male farso d'udde daayya Waaqi garsiisule hubachu dad'abdi, qaaloleeni aka male machoofte dubbi itiini d'ufani qoru dad'abdi.

⁸ Mesa worri irati wod'ugule ch'ufa diddigi balleese, fullaani worri tau ch'ufti t'uroofte lafaa baddi.

⁹ Worri waan kiyya gungume waan jed'u, Nami kunini eenu barsiisu fed'a akana taha isi? Eenuti dubbi isaa tana jalaa qaba? Ijoolleeni didiqooni d'io harma iraa d'owanileeni dubbi isaa tana jalaa inqabdi?

¹⁰ Inni sila wo nu barsiisu fed'a, wo jejed'a wo jejed'a ufumaa tae, akana taha, akana taha nuni jed'a.

¹¹ Yo isani na ch'aqasu diddani nyaapa isani afaani isa ind'ageenne, Waaqi isaniti erge, akasiini wo isani barsiisa.

¹² Inni qara nama dad'abeeni armati boqod'a, hafuura baafad'a jed'e, ammo isani isa ch'aqasu diddani.

¹³ Tanaafi AABBO Waaqi amma dubbuma qara isani jettani taanaani isani barsiisa: Wo jed'a wo jejed'a, ufuma tae, akana taa, akana taa nuni jed'a. Duuba isani fulla ejatani ch'ufati ingufatani nafa keesani madeesani, t'ururaani qabani isani boojiani.

D'akha yayaba jaba Sioni

¹⁴ Amma waan AABBO Waaqi jed'u ch'aqasa, isani worra kiyyiba Yerusalemu keesa nama mohatu.

¹⁵ Isani kiyyibdani waan jettani, Nu yayu duisani wolti kakhaanne irreesaleeni wold'anne. Ammalle hojja gaargali hamani lafa teenna d'ufele woma nu intolchu, wonti akanatiifi, yayu d'ara fulla iti d'eennu tolfanne, fulla kiyyibati baqanne jettani.

¹⁶ Ammo wonti AABBO Waaqi guddaani isaniini jed'u tana: Anini Sioni keesa yayaba d'akha jaba inchochone kaya. Yayaba suni ira anini d'akha jaba dubbi tana irati t'aafani kaya: D'ugefachaani jabduuni obsa qabdi.

¹⁷ Yayaba suni d'ugaani biimani, qajeelumaani qajeelchani. Bokeeni d'akhaani roobu kiyyiba isani fulla iti d'eetani tolfatani hare, fach'ai bisaanileni fulla isani iti baqatani balleesa.

¹⁸ Kakhu isani duisani wolti kakhatani Ch'absani wold'aqisa isani irreesani wold'at'ani balleesani. Hojja gaargali hamani lafa teesani d'ufu, gaargali sunini isani qabate isani balleesa.

¹⁹ Gaargali suni hojja ch'ufa galgalaafi diirama isani illakisu, guyya ch'ufa isanumati d'ufa. Dubbini hareetiini Waaqa iraa d'uftu ch'ufti mudamsu hareeti d'ibiini isaniti d'ufti!

²⁰ Isanii namicha sire diqo isa ingeenne ira rafu, ka woyaleeni miila ingeenne, fakaatani.

²¹ AABBO Waaqa akuma duri gaara Perasimutifi bale Gibeoni keesati nama had'e had'a, aka inni waan tolchu fed'u tolchu, ato waan nami dandae inhubannele taate. Inni huji isaa ta nami dandae inhubanne hobaasu male intau.

²² Gorsa kiyya goyeesitani inkoblina! Yo isani akasi taatani, aki isani badi jalaa baatani isaniti jajabaata. Anini aka AABBO Waaqi guddaani lafa ch'ufa balleesu fed'e ya d'agaye.

Qarooma Waaqa

²³ Qonqo tiyya ch'aqasa, dubbi tiyya gurraa keesa keeyad'a.

²⁴ Nami hojja oobru qotu, ka infach'aamne, guyya ch'ufa inuma qota?

²⁵ Eegi oobru qote inni urgoofi waan sagaleeni urgeesani d'ibi fach'aase, dargayefi garbule fach'aase, qota oobru isati mid'aani d'ibi fach'aasa.

²⁶ Kara inni huji tana ch'ufaani hojate Waaqumati garsiise.

²⁷ Inni hojja urgoofi waan d'ibi woini urgeesani d'aanu, ule guddooni ind'aanu, ammo ule fakaatuni d'aana.

²⁸ Inni dargaye kara maleeni d'aane imballeesu, ammalle hojja miila gaari ira hirkisule mid'aani inch'ach'arasu.

²⁹ Qalbiini tunini ch'ufti garuma AABBO Waaqa guddati d'ufti; mali Waaqi namaa d'au dansa, hojja ch'ufa inuma guutama!