Isaya 27 - KITAABA WAAQA

¹ Guyya suni Waaqi goraade jabdu aka male qara qabduni goorjama Lewiathani jed'ani, ka bisaani keesati galu, ka ufi garagalche aka bofa lohu, gaargalcha.

² Guyya suni AABBO Waaqi waan oobru isaa ta zabibu dubbate waan jed'u,

³ Anini hojja ch'ufa isi eege bisaani iti naqe, aka nami woma intolchine halkanifi guyya tissa.

⁴ Anini dallansu oobru zabibuti dallanu ya lakise. Ato sila qoraatifi mogoreeni ch'allaani na gaargalchite, gube balleesa.

⁵ Ammo yo nyaapi, gumi tiyyaa qarqaarsa naraa fed'ate, worri ha qara nagaya naraa barbaaduti. Ee, worri ha nagaya barbaaduti.

⁶ Guyyaani ind'ufa, ka worri Israeli, d'alooti Yakobo, aka mukha hidda baase, late daraare lafa ch'ufa mid'aaniini qabatu.

⁷ AABBO Waaqi takaa worra Israeli, aka nyaapa isaani gaargalche, ingaargalchine worrale takaa nami hedduuni iraa indoone.

⁸ AABBO Waaqi gumi ufi lafa nyaapati geese, akasiini gaargala itiini d'ufe. Inni bubbe hamtu ilaboruuti d'ufteeni worra fuud'e itiini d'aabate.

⁹ Ammo hojaani Israeli daba araaramani, hojja d'akha sorio waaqa d'araati irati baasani ch'ach'absani daara tolchani. Ammalle waan hit'aani irati aarsanifi akheekha waaqa Ashera jed'ani balleesani ch'alla.

¹⁰ Diri jabeesani jaarani ya badde ona tahe, lafa aloo fakaate, fulla horiini oole marra nyaatu.

¹¹ Dameeleeni mukhaa ya gogodde ch'ach'abt'e, duuba nad'eeni guurte qoraani tolfatti. Waan biyyiti woma inhubannefi, Waaqi worra uume worraa nahe ineebisufi.

¹² Guyya suni AABBO Waaqi haguma galaana Fratiti iti keeyate seera lafa Misiriti d'aabe, gumi ufi toko tokooni wolti guura akuma dargaye d'aanani ch'idiini gargari baasani.

¹³ Guyya suni magalata d'aani, worra Israeli ka, qara boojiani lafa Ashurutifi lafa Misiriti geesani, yaamani gadi deebisani. Duuba worri d'ufe gaara isaa ka woyyuma irati, Yerusalemu keesa, AABBO Waaqa kad'ata.