Isaya 21 - KITAABA WAAQA

¹ Kunini d'aamsa waan Babiloni d'aamani. Akuma bubbeeni lafa gamooji bubbifte waan ch'ufa hartu, badiini lafa soda qabdu iraa d'ufte wo balleesiti.

² Anini daayya keesa waan hamtu arge, wonti hamtuuni sunini, saamachafi woballeesiti. Duula Elamu kaa wo had'a! Duula Media, dira marsa, had'a! Waaqi gaargala worri Babiloni d'ufeeni inhobaasa.

³ Wonti anini daayya suni keesa arge d'agaye yayu na mudamsiifte na d'ukubsite, akuma nad'eeni d'ala ch'ininfattu.

⁴ Mataani lafa na mare, anini akanumati mudame holad'e. Anini qara d'ia aduu eege, ammo isiini d'umnaani mudamsu ch'alla argad'e.

⁵ Daayya suni keesa sagale baasani, waan mimid'aadu nami ira tau lafa afaani, nami ira tatae nyaate wo d'uga. Hojuma suni qonqooni d'ufte waan jette, Abbooti duula, wonte teesani kurfefad'a!

⁶ Jennaani Aabbo Waaqi waan nani jed'e, Nama wo eegu tolchi, inni ha waan arge nuti himuti.

⁷ Hojja inni nama farda yaabatu ka lama lamaani d'ufufi nama harreefi gaala yaabatu argu, inni ha aka dansaa ilaale mid'aafatuti.

⁸ Jennaani namichi lafa eegu kaani waan jed'u, Aabbo, anini halkani guyya doofi tiyya gubba eje wo laale.

⁹ Jennaani hojuma suni nami fardo yaabatu lama lamaani gad'ufe. Nami lafa eeguleeni iyye waan jed'u, Babiloni ya badde! Yaabadde! Wonti harkaani boch'ani ka worri kad'ate kaani ya lafa jidde ch'ach'abde.

¹⁰ Worra kiyya ka Israeli, qara akuma dargaye isani d'aanani, ammo ammatana anini odu dansa, ta anini AABBO Waaqa gudda, Waaqa Israeli ira d'agaye, isaniti hima.

Waan lafa Edomu ka d'aamani

¹¹ Kunini d'aamsa waan Edomu ka d'aamani. Nami Edomu toko na yaame waan nani jed'u, Nama lafa eegu, lafti yoomi bariiti? Halkani yoomi alaa hobaani?

¹² Anini waan jed'uuni, lafti ya bariu geete, ammo aduuni inuma d'iiti, yo ammalle gaafachu feete deebii gaafad'i.

Waan lafa Arafti ka d'aamani

¹³ Kunini d'aamsa waan lafa Arafti ka d'aamani. Isani worri Dedani, ka lafa gamooji ta Arafti qubatu,

¹⁴ nama d'eebu qabu ka isaniini bahu ch'ufa bisaani obaasa. Isani worri lafa Temaleni, nama baqate isaniini bahe sagale kennaafi.

¹⁵ Nami goraade nama ijeeftuufi, t'iya nama woraantufi, gaargala woraanaa baqachu jira.

¹⁶ Jennaani AABBO Waaqi waan naani jed'e, gannuma toko keesati jabeenni gosa Kedari inhobaa.

¹⁷ Nami janni worra Kedari nama t'iyaati, ammo worrale namuma diqaati hafa. Dubbi tana, ana, AABBO Waaqa Israeliiti jed'e.