Isaya 13 - KITAABA WAAQA

¹ Kunini d'aamsa lafa Babiloni ka AABBO Waaqi Isaya ilma Amoziti d'aame.

² Kubi qulqulliti ira baandera d'aaba! Askartiti lalaba, harka keesani oliqaba, akheekha garsiisa, aka worri balbala dira worra gugurdaa had'u.

³ AABBO Waaqi yayu askarti jajanna filatani ga yaame, aka worri d'ufe, worra inni iti dallane had'e balleesu.

⁴ Iyyaana gaara iraa d'uftu ch'aqasa — qonqo gumi guddo, gosa heddu wolti baate. Waaqi abba duulaa duula ufii had'iisaa kurfeesu jira.

⁵ Worri lafa fago ta muumme lafati d'ufuu jira. AABBO Waaqi dallansu ufitini lafa ch'ufa balleesu d'ufa.

⁶ Laalefad'a, boha! Guyyaani AABBO Waaqaa yayu d'iaate, guyyaani Waaqi guddaani lafa balleesu.

⁷ Nama ch'ufa harki iraa bue, garaalleeni aka male laafa.

⁸ Nami ch'ufa mudame, aka hama laalefate d'ukubsate, akuma nad'eeni d'alaa ch'ininfattu taha. Worri ch'ufti ila sodaatiini woli ilaale, aka male woli mudamsiisa.

⁹ Guyyaani AABBO Waaqa d'ufuu jira — guyyaani hamani inni aka male dallanu. Lafti ch'ufti aloo taate, nama ch'ubbu ch'ufa balleesani.

¹⁰ Urjini ch'ufti ifsu lakifte, aduuleeni hojja gabaatu dukanoofte, jiileeni ifsu dida.

¹¹ AABBO Waaqi waan jed'u, Anini baddi lafatini d'ufe, nama ch'ubbu qabu ch'ufa maro ch'ubbu isaanitifi gaargalcha. Anini kiyyiba ch'ufa d'owe, nama hamama ufi olifuud'ule gaargalcha.

¹² Anini nama lafa irati diqeese, diqeenna worqi ka lafa iraatini woli fakeesa.

¹³ Anini gubba hargufe, laftileeni chochoote, fulla ufiti deemti, guyya anini, AABBO Waaqi guddaani, gugubad'e dallanu.

¹⁴ Keessumaani lafa Babiloni keesa jirtu lafa ufiti baqatti akuma hiddini nama had'u duraa baqattu, yokhaani aka hooliye tissitu inqamne.

¹⁵ Nama qabani ch'ufa goraadeeni ijeesani, sheeftiini hobaasani.

¹⁶ Ila worraa durati, ilmaani worraa ch'ach'arasani hobaasani, maneeni worraa saamani, nad'eeni worrale buufatani.

¹⁷ AABBO Waaqi waan jed'u, Anini gosa Medi kaase, worra Babiloni haasisa. Worri sunini qarsi iyyaalu yokhaani worqile imfed'u.

¹⁸ Worri t'iyaani kaima fit'e, ijoollele ch'ufaa nahu dida.

¹⁹ Lafti Babiloni lafa ch'ufa ira mid'aadu, mid'aaguma isii suni nami isii ch'ufti mataani d'aaba. Ammo anini, AABBO Waaqi, akuma Sodomafi Gomora balleese Babilonile balleesa!

²⁰ Nami tokoleeni deebie lafa suni keesa intahu; Araftini tokoleeni waaro ufii achiti ind'aabatu. Tissituuni tokoleeni hori achiti intissitu.

²¹ Lafti sunini fulla bineensi alaa iti gale, urunguni mana iti jaaratu taati. Guchini achiti galte, reeni abba inqamne ona suni keesa buraat'i.

²² Worabeesi doofi isii jajabdu keesaa yuuse, sareeni diida maneeni isi, guuti. Guyyaani Babiloni ya gahe! Guyyaani isii ya ala hobae.