Huji Ergattu 27 - KITAABA WAAQA

¹ Aka nu lafa Taliana hobolooni deemu buufannaani worri Paulofi nama hid'aansa keesa jiru d'ibile harka namicha gudda askarti toko ka Yulio jed'aniti kenne, Yulioni gumi askarti Rumi ta askarti hayyu jed'ani keesa guddinna qaba.

² Nu hobolo dira Andramitio ta aka lafa Asia deemtu kurfefate toko duunne iti d'aabanne. Namichi Aristarko jed'ani toko ka gosa Makedonia ka lafa Thesalonike nu woliini jira.

³ Boriyya nu Sidoni d'umne. Yulioni Paulo qarqaare, aka inni gara jaalaani isaa deeme waan fed'u barbaadatu ee jed'e.

⁴ Lafa suni kaanaani waan bubbeeni nu d'owiteefi lafa Kipro jala baane.

⁵ Eegi nu baariini d'awatu kilikiatifi Pamfilia dabarre, nu dira Likia toko ka Mira jed'ani d'umne.

⁶ Achiti guddaani askarti hobolo toko ta Iskanderia, ta lafa Taliana deemtu arge nu yaabachiise.

⁷ Haga guyya heddu laanuma yaane gaargalaani Nido diqo hanqanne. Waan bubbeeni nu d'owarteefi Salmone d'aatu dabarre, Krete fulla bubbeeni injirre jala banne.

⁸ Duuba gaargalaani lafa suni d'awatu dedeemne, fulla toko ta Boqota Dansa jed'ani d'umne, ta d'awatu dira Lasea.

⁹ Armati guddo turre, yaasumi jajabaate, guyyaani afaani hid'atani nu dabre. Jennaani Pauloni worra gorse waan jed'eeni,

¹⁰ D'iiro, anini imaltu tana keesa aka nu gaargalafi d'ipu guddo argannu arga; hoboloofi miha ch'allaaniti, ammo lubbu teennale insodaad'a.

¹¹ Ammo guddaani askarti waan Pauloni jed'eeni dide, waan gudda hobolotiifi abbaani hobolo jed'eeni gula deeme.

¹² Maro fullaani dansaani ta boqotani injirreefi, nami hedduuni achi yau fed'e, aka yo dandaani Foinike gahani, haga ch'aamsa achi taani. Foinikeni lafa Krete keesa jirti, ta gama galchu moga bitatiifi moga mirgale ilaaltu.

Waan bubbe hamtu

¹³ Bubbeeni laanuma gama bita bubbifte jennaani waan yau dandaani sehani; duuba sibiila lafaani qabatani hiikhani d'awatu lafa Krete bahani.

¹⁴ Ammo maro tokotu bubbeeni jabduuni toko, ta Eurakilo jed'ani, moga lafa godduti bubbifte.

¹⁵ Bubbeeni suni hobolo d'oofte, dura deemu d'owarte, nu iti gadi lakimne.

¹⁶ Lafa diqo toko, ta jiddu galaana jirtu toko, ta Kauda jed'ani, bira baane diqo toko goomita arganne. Achiti gaargalaani hobolo teenna ta ira diqo qabsiimne.

¹⁷ Olfuud'ani, haada hobolo jala dabarsani jabeesani, waan lafa Libia keesa lit'ani sehani sodaatani. Woya hobolooni deemsisani hiikhani akanumati lakisani.

¹⁸ Maro d'awani baariini nu d'owiteefi, boriyya ulfinna hoboloo iraa jissani sablisani.

¹⁹ Guyya sadeeso harkuma ufitiini miha hobolo ch'ufa gadigatani.

²⁰ Eegi urjifi adu guyya heddu argu dad'amne, bubbeeni aka hama bubbifte, abdi baanuuni d'amne.

²¹ Eegi guddo agabani, Pauloni jiddu worra keesa ejate waan jed'eeni, D'iiro, isani qara naa ch'aqasu maltani, Krete bahu himmalle, aka gaargala kana arganne hori kana ch'ufa imballeesine.

²² Ammo waan anini isaniini jed'u, Garaa jabaad'a! Nami tokoleeni induu, ammo hobolooni imbaddi.

²³ Edda malaikaani Waaqa kiyya, ka anini kad'ad'u, na bira ejatte

²⁴ waan naani jette, Paulo, insodaatini, atini Kaisari dura ejachu malte; ammalle ilaali, Waaqi nama si woliini yau kana ch'ufa ya sii kenne.

²⁵ Tanaafi, d'iiro, garaa jabaad'a! Anini ya Waaqa d'ugefad'e, aka wonti nati himani kuni taatu.

²⁶ Taatule lafa jiddu galaana keesa jirtu toko keesati nu gatu malani.

²⁷ Eegi bulti kud'ani afuri, ato nu galaana Adria keesa fulluma ch'ufa yayaanu, saa jaa ka halkani, jari hobolo geesu waan lafa tokoti d'iaatani sehe.

²⁸ Haada bisaani keesa buusani, heregani, haga d'und'uma saddeetama argani. Diqo deemani, iti deebiani haga d'und'uma jaatama argani.

²⁹ Worri waan nu d'akha d'oomnu sehe, sibiila afuri gama dudduubatiini buusani, lafati qabani, aka lafti bariitu kad'atani.

³⁰ Jari hobolo geesu hobolo keesaa baqachu fed'e; nama sobani hobolo ira taani diqo galaana keesa buusani, waan sibiila lafaani qabatani buusu fed'ani ufi tolchani.

³¹ Pauloni waan gudda askartitiifi askartiini jed'e, Yo worri kunini hobolo keesa tae male, isani bahu indandeetani.

³² Jennaani askartiini haada hobolo ira diqo suni kute, aka isiini buutu gadilakifte.

³³ Lafti bariinaani Pauloni worra ch'ufaani, Sagale nyaad'a jed'e; ammalle, guyyaani kunini guyya kud'ani afreesoti haga isani agabdani.

³⁴ Tanaafi anini isani kad'ad'a, sagale nyaad'a; wonti kunini irre isani taati. Rifeensi mata keesani tokoleeni imbadu jed'e.

³⁵ Eegi inni akana jed'e, inni qit'a fuud'e, galata Waaqaa deebise, worra ch'ufa durati ch'abse nyaate.

³⁶ Worri ch'ufti garaa jabaate sagale nyaate.

³⁷ Nami hobolo suni keesa jiru nama haga d'ibba lamatifi torbaatami jaati.

³⁸ Quumnaani aka hobolo sablisani dargaye galaana keesati jissani.

Hobolooni inch'abdi

³⁹ Lafti bariinaani worri lafa beekhu dad'abe, ammo fulla toko ta fulla dansa sila hoboloo d'abani fakaatu, arge hobolo arti d'aabu fed'e.

⁴⁰ Eegi sibiila hobolo lafatiini d'aabani, kutani gatani baariini ufiti gallakisani, haada mukha hobolo oofuni qajeelchani hiikhani. Jennaani woya hobolooni deemsisani ta fuula duraa olbaasani, aka lafa goddu d'aqabani iti gallakisani.

⁴¹ Ammo hobolooni maansa seente mataani isii mansa keesa lit'e chochou dad'abde, dudduuba isi d'awaan jabduuni d'oofte gargari ch'ach'absite.

⁴² Askartiini nama hid'aansa keesa jiru fit'u feete, aka worri bisaani daakhatte imbaqanne.

⁴³ Ammo guddaani askarti maro Paulo baasu fed'eefi worra d'owe. Inni worra bisaani daakhu beekhuni qara hobolo keesaa jigaa lafa godduti baha jed'e,

⁴⁴ ammo jari imbeenne ha baofi ch'ach'aba hoboloti qanch'orfatu, jed'e. Akanaani nami ch'ufti nagayumaani lafa gahe.