Huji Ergattu 24 - KITAABA WAAQA

¹ Eegi guyya shani Ananiani, Qaallichi Guddaani, jaarole woliini d'ufe, nama Paulo himatu toko, ka Tertulo jed'ani woliini. Duuba waan Paulo himataniifi jaallabati hasaani.

² Paulo yaamani jennaani Tertuloni isa himate waan jed'e, Ee Feliki gudda, waan maro tantetiifi nagaya keesa teennuufi, ammalle maro qarqaarsa kanketitiifi huji dansa ta gosa tana tolchanifi,

³ nu guyya ch'ufa fulla ch'ufati waan nu waan kana arganneefi galata sii deebimna.

⁴ Dubbi d'eertuuni si gaargalchu imfed'u, tanaafi amma si kad'ad'a, dubbi teenna diqo tana d'agayi.

⁵ Nu nama kana ka nama gaargalchu argine; inni fulla deemu ch'ufati Yahudi yaka; inni gudda worra Nazarayoti.

⁶ Ammalle inni Mana Waaqale t'ureesu feenaani nu isa qamne. Nu akuma aada teenna gula duuba isaa qoru feene,

⁷ ammo guddaani keenna Lisiani d'ufe irre guddooni harka keenna keesaa isa fuud'e.

⁸ Ammalle Lisiani seera baase, aka nami isa himatu si dura d'ufu. Yo atini namicha kana wo gaafate, dandeete waan nu isa himannu kana ch'ufa isa irati ingarta.

⁹ Yahudiini ch'ufti wold'ate, Himachaani tunini d'uga jette.

Pauloni ufii dubbata Feliki durati

¹⁰ Jaallabi harka Pauloti qabe, Dubbad'u, jed'eeni. Pauloni waan jed'e, Anini aka atini dubbi lafa tana ganna heddu qorte imbeekha, tanaafi anini ingammada, maro si durati ufii dubbad'uufi.

¹¹ Atini yo biyya gaafatte ind'ageeta, guyya kud'ani lama ka dabre, anini Waaqa kad'achu Yerusalemu d'aqe.

¹² Yahudiini ana nama tokoleeni wo mormu inagarre yokhaani ana biyya wolti baasule ingarre, Mana Waaqa keesafi dira keesaleti.

¹³ Waan na himatani kana tokole d'uga inqabani.

¹⁴ Anini waan toko si durati fud'ad'a. Anini Waaqa ababoota teenna Kara worri d'ara jed'uuni gula kad'ad'a. Anini waan Seera Musatiifi kitaaba raagoota keesati t'aafani ch'ufa ind'ugefad'a.

¹⁵ Akuma worri Waaqa abdatu, anileeni akasuma abdad'a, aka nama ch'ufa, hamafi dansale, duisa keesaa kaasani.

¹⁶ Tanaafi anini guyya ch'ufa Waaqafi nama duraleti aka wollaala male deemu ufi d'owa.

¹⁷ Ganna heddu Yerusalemu iraa tae jennaani horifi sorio gosa tiyya baasu d'ufe.

¹⁸ Anaa waan kana tolchu jiru Mana Waaqa keesati na argani, eegi anini aada qulqullefacha hobaafad'e. Gumiini na woliini injirtu, gohantileeni injirtu.

¹⁹ Ammo Yahudiini lafa Asia achi jirti, worri si dura eje na himachu male, yo waan na himataniifi qabaate.

²⁰ Yokhaani worri kunini ha wollaala anini gaafa gumi kora dura eje dubbad'e tolche himuti, waan tokoti

²¹ anini worra durati olkae jennaani jed'e male. Wonti na qoraniifi maro anini kaisa nama due d'ugefad'uufi na qorani.

²² Jennaani Felikini, ka waan kara kana aka dansa beekhu, kora baase dubbi teesani inilaala yo guddaani askarti ch'ufa ka Lisia jed'ani d'ufe jed'e.

²³ Askarticha Paulo tissuuni, Aka dansa isa eegi ammo inhid'iini, aka jaalaani isaa waan inni fed'u kennituufi ind'owiini jed'e.

²⁴ Eegi bulti diqo toko Felikini, niiti ufi Drusila ta gosa Yahudi, woliini d'ufe. Inni Paulo yaame waan d'ugefacha ta Yeso Kristo d'ugefatani nati himi jed'e, isa ch'aqase.

²⁵ Ato Pauloni tae waan d'ugaatifi ka obsaatifi ka qorsuma hegeri d'uftu dubbatu, Felikini sodaate waan jed'e, amma beeni, yo isiini naa fuute si yaama.

²⁶ Inni waan Pauloni beeseni isa gumbeesu sehe. Tanaafi maro heddu isa yaame hasaeeni.

²⁷ Eegi ganna lama Porkio Festoni huji Feliki iraa fuud'e. Duuba Felikini aka Yahudi gammachiisu Paulo hid'aansa keesati lakise.