Huji Ergattu 18 - KITAABA WAAQA

¹ Eegi waan kana Pauloni Athene kae Korintho d'ufe.

² Achiti nama Yahudi toko, ka Akila jed'ani, ka lafa Pontoti d'alate, ka d'io niiti isaa Prisila woliini lafa Talianati d'ufe arge. Wonti inni achi d'ufeefi waan Klaudionini aka Yahudiini ch'ufti lafa Rumi keesaa godaantu mureefi.

³ Ammalle waan hujiini worraa taka taateefi worra woliini tae; hujiini worraa huji waaro mid'aasani.

⁴ Sabato ch'ufa inni mana Waaqa iti kad'atani keesati hasae, Yahudifi Griki kara ufi deebise.

⁵ Silafi Timotheoni Makedonia d'ufani jennaani Pauloni halkani guyya hasae, aka Yesoni Kristo Yahuditi odeese.

⁶ Yahudiini isa didde arabsinaani, inni woya hargufate waan jed'e, D'iigi keesani mata keesani gubba ha jiraatu, anini qulqullo, arraa achi anini gara gosa d'ibi deema.

⁷ Inni kae deeme, mana nama toko, ka Tito Yusto jed'ani, ka Waaqa guddisu d'aqe. Mani isaa d'awatu mana Waaqa iti kad'atani jira.

⁸ Krisponi, ka gudda mana Waaqaa, worra ufi ch'ufa woliini Aabbo d'ugefate. Nami Korintho hedduuni waan kana d'ageennaani d'ugefate batifame.

⁹ Jennaani Aabbooni halkani toko daayyaani Pauloni dubbate waan jed'e, Insodaatini, dubbad'u, inch'aliisiini.

¹⁰ Anini si illakisu, wolumaani jirra, nami tokoleeni dandae woma si intolchu, anini nama heddu dira kana keesaa qaba.

¹¹ Inni dira suni keesa haga ganna tokofi jia jaa tae dubbi Waaqa worra barsiise.

¹² Gaafa Galioni jaallaba Akafa, Yahudiini Paulo qabde fulla qorsuma geesite

¹³ waan jetteeni, Namichi kunini aada male biyya aka Waaqa kad'atani barsiisa!

¹⁴ Pauloni dubbachu fed'e jennaani Galioni waan Yahudiini jed'e, Yo sila wonti kunini waan kiyyiba yokhaani waan ch'ubbu hamtu taate anini isani ch'aqasu male.

¹⁵ Ammo yo waan dubbitiifi maqafi waan seera keesani ch'allaa taate, isanumaani ilaalad'a. Anini waan akana kana inqoru jed'e.

¹⁶ Duuba fulla qorsumati worra gusse.

¹⁷ Nami ch'ufti Sosthene, gudda mana Waaqa iti kad'atani qabe fulla qorsumati geesani d'aanani. Ammo Galioni waan kana tokole iyaalle.

Lafa Shamuti deebiani

¹⁸ Eegi waan kana, Pauloni guyya heddu achi keesa tae, duuba nagaya oboleyaaniti d'aamate, hobolo seene lafa Shamu d'ufe, Prisilafi Akila woliini. Ato indeemini, Kenkrea keesati kakhate mata haadate.

¹⁹ Worri Efeso d'umnaani, Pauloni worra achiti lakise. Ammo ufii mana Waaqa iti kad'atani seene Yahuditi hasae.

²⁰ Yahudiini isa kad'atte aka inni ammalle isii woliini tau, ammo inni indide.

²¹ Taatule nagaya d'aamate, Yo Waaqi jed'e anini indeebia jed'e, hobolo seene Efeso keesaa deeme.

²² Kaisaria geennaani Yerusalemu d'aqe, gumi Waaqa nagaya fuud'e, jennaani Antiokiale d'aqe.

²³ Bulti diqo toko achi keesa tae kae deeme. Lafa Galatiafi Frigia keesa dedeeme gumi d'ugefatte jabeese.

Apolo Efeso keesa

²⁴ Namichi Yahudi toko ka Iskanderiati d'alate, ka Apolo jed'ani, Efeso d'ufe. Inni nama arabaani qaro ammalle waan t'aafi ch'ufa guddo hubate.

²⁵ Namichi kunini qara waan kara Aabbo barate, garaani isaa owinaani waan Yeso qajeelche dubbate barsiise, ammo batiso Yohana ch'allaa beekha.

²⁶ Soda male mana Waaqa iti kad'atani keesati barsiise. Prisilafi Akilani waan isaa d'ageennaani fuud'ani, Kara Waaqa haga qara ira barsiisani.

²⁷ Inni Akaya d'aqu feenaani, oboleyaani tatabe iti kennite aka jari Yeso isa bulchu. Achini baanaani inni guddo worra maro eeba Waaqatiifi d'ugefate qarqaare.

²⁸ Wonti akanatiifi inni waan t'aafi duri keesati t'aafani aka Yesoni Kristo nama ch'ufa agarsiise, akasiini moroma Yahudi ch'ufa dabsate.