Huji Ergattu 16 - KITAABA WAAQA

¹ Pauloni dira Derbefi Listra d'ufe. Nama Yeso tokoti jira, ka Timotheo jed'ani: inni ilma niiti Yahudi toko ta d'ugefatte, ammo abbaani isaa gosa Griki.

² Oboleyaani ta Listrafi Ikonio jirtu, Nama dansa isaani jette.

³ Pauloni isa fohate, aka inni isa woliini deemu. Inni isa fuud'e qabanqaba qabeefi, waan Yahudiini fulla suni jirtu ch'ufti aka abbaani isaa gosa Griki beetuufi.

⁴ Worri dira ch'ufa keesa yayae aada seera ergattufi jaaroleeni Yerusalemuti murte, gumi iti kenne, Guuta jed'eeni.

⁵ Tanaafi gumiini Waaqa d'ugefacha keesa jajabaatte guyya ch'ufa heddatte.

Daayya Paulo Troa keesa

⁶ Worri Frigiafi Galatia keesa dabre, jennaani Lubbuuni Qulqullooni aka worri Asia keesa dubbi suni inhaasoomne worrati himte.

⁷ Worri Misia geennaani Bithiniati dabru fed'e, ammo Lubbuuni Yeso worraa d'owarte.

⁸ Worri Misia bira bahe dabre Troati gadibue.

⁹ Halkani toko Pauloni daayyaani wo arge. Nami lafa Makedonia toko isa dura ejate isa kad'ate waan jed'eeni, Makedoniati kooti, nu qarqaari.

¹⁰ Inni daayya suni arginaani, nu maro tokotu aka Makedonia yaanu buufanne, waan aka Waaqi nu yaame, Odu Dansa iti odeesa nuuni jed'e mid'aafanneefi.

Waan baafama Lidia Filipi keesa

¹¹ Jennaani nu Troa kaane, Samothrake iti qajeelle, boriyya Neapoli geenne.

¹² Eegi suni nu Filipi d'umne, dira dira ch'ufa ira gudda toko lafa Makedonia suni keesa, ka Rumiini iti qubatte. Nu dira suni keesa bulti diqo toko teenne.

¹³ Guyya Sabato dira keesa yaane, moga galaana toko, fulla nami Waaqa iti kad'atu d'ageenne d'anne gadi teteenne, nad'eeni fulla suni jirtuti hasoomne.

¹⁴ Niitiini toko, ta Lidia jed'ani, ta woya didiimtu gurgurtu, ta dira Thiatira, ta Waaqa guddiftu, nu ch'aqafte. Aabbooni garaa isi bane, isiini waan Pauloni jed'e d'ageete.

¹⁵ Worra ufi ch'ufa woliini batiso argannaani waan nuuni jette yo isani aka anini Aabbo d'ugefad'e agartani, mana kiyya koota achi taa, jette nu sobate.

Paulofi Sila hid'ani

¹⁶ Ato nu fulla kad'acha yaanu, intalti toko ta jinni yuubooma qabdu, nuuni baate. Isiini abbooti ufiti guddo wo baate, waan isiini wo fadduufi.

¹⁷ Isiini nufi Paulo gula deemte iyite waan jette, Worri kunini hojattu Waaqa Guddaati, ta kara baha isani agarsiiftu.

¹⁸ Guyya heddu isiini akasuma tolchite. Ammo Pauloni lalefate isiti mich'irame waan jed'eeni, Anini maqa Yeso Kristotiini, Isi keesaa bahi siini jed'a jed'e. Hojuma suni jinniini taani isi keesaa baate.

¹⁹ Abbootiini isii hori duri ira argattu aka d'abdu arginaani Paulofi Sila qabani gabayati hirkisani, jaarole dura geesani,

²⁰ Jara dubbi murutini d'ufani himatani waan jed'ani, worri kunini Yahudi guddo dira keenna kana yakuu jira.

²¹ Ammalle aada nu gochiti Rumi d'agayu himmalini yokhaani guutu himmalini nu barsiisa jed'ani.

²² Gumiini wolumaani iti ch'aarte, jari dubbi muru woya worra iraa yaase, d'aana namaani jed'e.

²³ Eegi lichooni guddo worra d'aanani, mana hid'aansa keesa worra buusani, gudda mana hid'aansatiini, Aka dansa worra kana qorqorad'a jed'ani.

²⁴ Inni seera kana d'ageennaani dinqa mana keesa worra naqe, miila worraa jabeese mukhati hid'e.

²⁵ Saa jaa ka halkani Paulofi Silani Waaqa kad'atani sirbani, nami hid'aansa keesa jiru ch'ufti worra d'agaye.

²⁶ Maro tokotu lafti chochoote, yayabi manaleeni chochoe. Hojuma suni balbalti ch'ufti banamte, haadi namaani hid'ani hiikhate.

²⁷ Guddaani mana hid'aansa hiriiba keesa damannaani, balbala bana qabdu arge, waan nami hid'aansa keesaa baqate sehe, sheefti fud'ate ufi ijeesu fed'e.

²⁸ Ammo Pauloni qonqo olfud'ate iye waan jed'eeni, Woma ufi intolchiini, nuuni ch'ufti arma jira.

²⁹ Jennaani inni, Ifseeni kooti nama tokooni jed'e, mana keesa ch'ee, holate miila Paulotiifi ka Sila jalati jige.

³⁰ Jennaani worra keesaa yaase waan jed'eeni, D'iiro, anini mani tolchu male aka baafamu?

³¹ Worri waan jed'eeni, Aabbo Yeso d'ugefad'u, duuba imbaafamta, worra kanke ch'ufa woliini.

³² Worri dubbi Aabbo isaafi nama mana isaa keesa jiru ch'ufati odeese.

³³ Inni hojuma suni halkaniini worra fuud'e, mada worraa d'iqe. Isaafi worri isaleeni ch'ufti hojuma suni batifamani.

³⁴ Jennaani mana ufitiini worra d'aqe sagale worraa kenne waan worra ufi woliini Waaqa d'ugefateefi gammade.

³⁵ Lafti bariinaani, jaaroleeni dubbi murtu gugurdooni taani askarti iti ergite waan jetteeni, Jara suni gadi lakisa.

³⁶ Guddaani mana hid'aansa dubbi tana Pauloti hime waan jed'eeni, jari dubbi muru ya nama erge yaa isaniini jed'e, tanaafi amma kakaa nagayaani yaa.

³⁷ Ammo Pauloni waan worraani jed'e, Worri biyya durati, nuu gosa Rumi d'aane, ato wollaala nuti imurini hid'aansa keesa nu kaye! Ammalle ammatana akanumati nu lakisu fed'a? Hiyyo, worri ha d'ufe keesaa nu yaasuuti.

³⁸ Jari gugurdaani askarti dubbi tana jara dubbi muruti himnaani, aka worri gosa Rumi d'ageennaani guddo sodaatani,

³⁹ d'ufani araarama kad'atani. Jennaani diidati baasani, aka worri dira suni keesaa yau kad'atani.

⁴⁰ Paulofi Barnabani mana hid'aansa keesaa yaani mana Lidia d'aqani. Achiti oboleyaani arginaani jabeesani kaani yaani.