Hosea 8 - KITAABA WAAQA

¹ AABBO Waaqi waan jed'e, Magalata d'aa! Nyaapi akuma risa, gumi AABBO Waaqa irati sirbuu jira; wonti akanatiifi worri ya wold'aqisa nu woliini tolfanne ch'abse barsiisa tiyya dide.

² Ato, Inni Waaqa keenna, nuleeni worri Israeli si beena jed'anile,

³ worri ya waan dansa dide; tanaafi nyaapi worraa worra gussa.

⁴ Worri kiyya ka naani ingahiini hayyu fohate, ato na imbeesisiini jaarole tolfate. Worri qarsifi worqi fuud'e tume waaqa d'ara mid'aafate akanaani ufi balleesa.

⁵ Anini korma worqiini mid'aasani, ka worri dira Samaria kad'atu, ya jibbe aka hamtu worrati dallane. Worri haga yoomi waaqoota d'ara tana gula yaa?

⁶ Kormi kunini ka ogeeyiini Israeli mid'aasite waaqa akami? Laki, waaqaniti! Korma worqi ka Samaria keesati kad'atani gargari ch'ach'absani!

⁷ Qilleensa fach'aasani, bubbe muratani! Dargayeeni oobru keesa jirtu, ta mata inqamne, sagale imbaaftu. Ato baaftele, nyaapumati nyaata.

⁸ Israeliini ya aka gosa d'ibi taate okote faara ta ch'ach'abde fakaatte woma bahu dad'abde.

⁹ Worri Israeli harre diidaa fakaata, ta mata ufiiti yaatu. Worri gara Ashuru d'aqe qarqaarsa fed'ate gosa d'ibile qarqaarsa iraa bitate.

¹⁰ Ammo ammatana anini worra wolti baase gaargala kennaafi. Hojja hayyuuni guddaani Ashuru worra dabsu, worri guddo gaargale d'ukubsata.

¹¹ Akuma worri Israeli fulla sorio irati qalani ta artiti ch'ubbu namaa araaramani heddu jaaruuni, fullaani ch'ubbu iti tolchani heddatte.

¹² Anini barsiisa heddu muumme inqamne worraa t'aafe barsiisa, ammo worri imfud'atu.

¹³ Sorio naa qalani, fooni sorio sunile nyaatani, ammo anini, AABBO Waaqi, sorio suni gammadaani imfud'ad'u. Amma anini ch'ubbu worraa qaabad'e, maro ch'ubbu sunitiifi worra gargalche, lafa Misiriti deebisa!

¹⁴ Worri Israeli ya Waaqa worra uume ded'e, maneeni dadansa jaarate. Worri Yudaleeni ya dira dadansa aka dansaa marsani jaarani jaarate, ammo anini dira worraa ibida iti erge maneeni isaani jajabdu ch'ufa guba.