Hosea 5 - KITAABA WAAQA

¹ Isani qaalole, d'agaya! Isani worra Israeli, d'agaya! Isani worri hayyuleeni ka sila d'uga gula dubbi qoruu male — qorsumaani suni taka tana isanii indeebiti! Isani dira Mizpati nama qabdani, gaara Taboriti t'urura namati taatani,

² ammalle boola qile Dira D'adachati taatani; tanaafi anini isani illakisu woi isani tolcha.

³ Anini aka worri Israeli jiru imbeekha; worri dandae na ind'okhatu. Worri naraa gore ufi t'ureese na kad'achu himmalle.

Aka kad'acha waaqoota d'ara nama seerani

⁴ Hujiini hamtuuni worri hojate worra Waaqaati deebiu d'owarti. Worri sharmut'oma ch'alla gula bahe AABBO Waaqa wollaala.

⁵ Ufi saaduuni Israeli ya Waaqa durati diida gabaate. Dabi worraa worra gufachiise buuse, worri Yudaleeni worra woliini jiga.

⁶ Worri loonifi ree fud'ate AABBO Waaqa sorio baasu d'aqa, ammo sorioni sunileeni woma keesa injirtuufi.

⁷ Worri ya AABBO Waaqa iraa gore, ilmaani isaanileeni ta isaatiniti. Tanaafi amma nyaapi d'ufe worraafi lafa worrale balleesa.

Had'iisa Yudafi Israeli jiddu jiru

⁸ Magalata lolaa Gibea keesati d'aa! Rama keesaleti arrifad'a! Bethaveni keesaleti, Nyaapi ya d'ufe jed'a, iyya! Had'iisa kurfefad'a, worra gosa Benjamini.

⁹ Guyyaani gaargala ind'ufa, ka Israeli balleesani. Worra Israeli, dubbini tunini inhanqattu!

¹⁰ AABBO Waaqi waan jed'u, Waan jaaroleeni gosa Yuda worra Israeli haate lafa iraa fud'ateefi, anini ya dallane, tanaafi anini dallansu tiyya aka lolaa worrati fach'aasa.

¹¹ Worri Israeli ya gaargale; worri ya lafa ufii kara d'araatiini d'abe, waan worri nama qarqaarsa worraa kennu indandeenne qarqaarsa kad'ateefi.

¹² Duuba anini Israeli badi iti buuse worra Yudale balleesa.

¹³ Worri Israeli fayyad'aba ufii beennaani yokhaani Yudaleeni mada ufii arginaani lafa Ashuru d'aqani hayyu worraa gudda qarqaarsa kad'atani, ammo inni worra fayyad'abafi madale fayyisu dad'abe.

¹⁴ Anini worra Israelitiifi ka Yuda aka nyeench'a had'a. Anumati worra gargari tatarsaase biraa deema. Hojja anini lafa ira worra hirkisu, nami na d'owu injiru.

¹⁵ Anini deeme fulla tiyyati deebia, haga worri wollaala ufii arge na barbaaduti. Hegeri worri gaargala ufii keesa na barbaada.