Hosea 4 - KITAABA WAAQA

¹ Ee Israeli, dubbi AABBO Waaqi isaniti himu d'agaya. AABBO Waaqi nama lafa tana keesa tau akana himata: Lafa tana keesa nami wold'ugefate yokhaani woljaalatu injiru, yokhaani ka Waaqa beekhuleeni injiru.

² Kakhatani, kakhu suni ch'absani; d'ara dubbatani, nama ijeesani, woi hatani, nad'eeni biyyaa baratani. Ch'ubbuleeni guddatte, guyya ch'ufa wolijeesani.

³ Tanaafi lafti godde, wonti keesa jira ch'ufti, bineensa, simpirre, qurt'umileeni ch'ufti hobaati.

Aka AABBO Waaqi qaalole himatu

⁴ AABBO Waaqi waan jed'u, Nami tokoleeni isani inhimatini yokhaani isani ingorsiini — nami isani qaalole himatu ana.

⁵ Halkanifi guyya gugufacha yaatani, raagootileeni isani ira injirtu. Anini haad'a teesani Israeli imballeesa.

⁶ Gumiini tiyya maro beekha Waaqaa inqamneefi ya badde. Isani qaalole, waan isani na diddani barsiisa tiyyale diddanifi, anini isani dide ilmaani teesanile qaalole tiyya tahu d'owa.

⁷ Qaalole, isani akuma heddataniini nati ch'ubbamtani, tanaafi anini ulfinna keesani ch'eera tolcha.

⁸ Isani maro daba gumi tiyyatiifi duroomtani, tanaafi isani aka worri hojja ch'ufa ch'ubbu tolchu feetani.

⁹ Akuma biyya d'ibi gaargalchani isanile gaargalchani! Anini isani gaargalche gati ch'ubbu teesanii malte isanii keenna.

¹⁰ Isani sagale sorio nyaattani ammo inquuftani; fuula Waaqa durati huji sharmut'oma hojattani ammo ilmaani ind'altani, waan isani naraa gortani waaqa d'ibi gula yaatanifi.

Aka kad'acha waaqoota d'ara d'owani

¹¹ AABBO Waaqi waan jed'u, Daad'iini hareetifi dullatiini gumi tiyya daalleesu jirti!

¹² Worri waan mukha ira mid'aasani kad'ate, Nu gorsi jed'aani! Uleleeni waan worri beekhu fed'u worrati himti! Worri na lakise sharmut'oma gula bahe waaqoota d'ibi kad'ate.

¹³ Fiit'e gaara gubbaa, fulla woyyumati sorio qalani, kubi gubbaa galma mukha jalati hit'aana aarsani gaadisa boqotani! Maro waan sunitiifi dubriti teesani sharmut'a taate, nad'eeni ilmaani teesanileeni daru taati.

¹⁴ Ammo ha taatu, dubra teesanifi nad'eeni ilmaani teesani suni dubbi ira inqabu; wonti akanatiifi isanu sharmut'oma waaqoota d'ara gula baddani sorio imfakaanne nad'eeni suni woliini waaqoota sunii baaftani. Akanaani gumiini hubacha inqamne baddi.

¹⁵ Ato isani worri Israeli sharmut'a taatanile, worri Yuda waan suni gula imbadiini. Gilgali yokhaani Bethaveni d'at'ani, AABBO Waaqa jettani, maqa kiyyaani inkakhatina.

¹⁶ Worri Israeli mataa jajaba, ka dubbini gurra inseenne. Anini akami dandae aka ilmaani ree worra gololcha?

¹⁷ Worri Israeli ya waaqoota d'ara jaalate gula bade; laki, ha baduti!

¹⁸ Daad'i d'ugani machaani sharmut'oma gula badani, ulfinna jibbani ch'eera jaalatani.

¹⁹ Akuma bubbeeni woi fuutu, worra fuud'ani, waan sorio waaqoota d'arati baasanifi ch'eeraani.