Hosea 13 - KITAABA WAAQA

¹ Duri, hojja gochiti Efraimu dubbatte, gochiti Israeli taani insodaatte; wonti akanatiifi gosa Efraimuti saalfatani. Ammo worri waaqa Baali jed'ani kad'ate ch'ubbu tolche, tanaafi worri indua.

² Ammalle amma tanale sibiila tumani, akheekha woi tolchani kad'atani, akasiini daba tolchani — woni kad'atani suni qarsi ogeeyiini oguma ufiitini mid'aasite. Duuba, sorio baasaafi biyyaani jed'ani. Nami akami dandae waaqoota aka akheekha korma looni mid'aasani d'ungata?

³ Tanaafi worri kunini aka hurri diiramatiifi fit'eesa diirama ka badu jira. Ammalle worri ch'idi qilleensi oobdi iraa afufe fakaata, yokhaani aara qaa mana keesaa yau fakaata.

⁴ AABBO Waaqi waan jed'u, Anini AABBO, Waaqa keesani, ka lafa Misiri keesaa isani baase. Isani na male Waaqa d'ibi imbeetani, na male qarqaarsi keesani d'ibiini injiru.

⁵ Nami lafa aloo ta gamooji keesati isani qorqorate anuma.

⁶ Ammo eegi lafa dansati qubattani, isani aka dansaa quuftani jennaani kiyyibdani na deetani.

⁷ Tanaafi anini akuma nyeench'a isani had'e, aka qeeramsa kara d'aatuti isani gaada.

⁸ Ammalle aka goorjama ka ilmaani iraa badde isani had'e isani tatarsaasa. Akuma nyeench'a fulluma suniti isani nyaad'e fit'e, aka bineensa alaa isani tatarsaasa.

⁹ Worra Israeli, anini isani balleesa! Eentu isani qarqaara re?

¹⁰ Isani, jaarsafi hayyu nuu kenni jettani na kad'attani, ammo worri suni akami dandae gosa baasa?

¹¹ Anini dallansu tiyyaani hayyoota isanii kenne ammalle dallansuma suniini hayyoota suni isani iraa fuud'e.

¹² Dabafi ch'ubbu Israeli yayu t'aafani, qart'aasi irati t'aafanile aka dansaa olkayani.

¹³ Israeliini d'alachuu jirti, ammo daalloofte ke deebiti — akuma daima d'alachu gahe, ka garaa haad'a keesaa bahu didu.

¹⁴ Anini gumi tana boola nama due keesaa baasa? Yokhaani duu d'owa? Ee duisa, gaargali kanke me? Ee boola, had'aani tante meeti? Anini iti deebie worra kanaa innahu.

¹⁵ Ato Israeliini aka ilaadu baate mid'aadele, bubbeeni AABBO Waaqa gara ilaboruti lafa aloo keesaa d'ufte, maddofi eela worraa gossite, waan dadansa ch'ufa iraa fud'atti.

¹⁶ Waan Samariani Waaqa ufii diddeefi isi balleesani, nama isii had'iisa keesati fit'ani, daima worrale lafati d'abbani, nad'eeni worraa ta garaacha qabdule garaa babaqasani.