Hosea 1 - KITAABA WAAQA

¹ Tunini dubbi AABBO Waaqi Hosea, ilma Beeriti erge, gaafa Uziafi Yothamufi Ahazifi Hezekiani hayyoota Yuda, ka ammalle Yeroboamuni, ilmi Yoashi, hayyu Israeli.

Niitifi ilmaani Hosea

² Gaafa AABBO Waaqi Hoseani dubbate, inni waan jed'eeni, Beeni, niiti daru fuud'i, ilmaani iraa d'ali. Wonti akanatiifi gumi tiyya aka daru taate na lakifte na biraa deemti.

³ Jennaani Hoseani deeme, Gomeri intala Diblaimu fuud'e, isiini ilma deeteefi.

⁴ AABBO Waaqi waan isaani jed'e, Ilma kanke maqa Yezreeli baasi; wonti akanatiifi anini, ato inturre, mana Yehu, maro d'iiga nama Yezreeli ka inni jissetiifi balleese mootuma Israeli muumme baasa.

⁵ Ammalle guyya suni guubefi t'iya Israeli ch'ach'abse Bale Yezreeli keesati irre worraa balleesa.

⁶ Gomeriini ammalle garaachoofte maro tana dubra deete. Jennaani AABBO Waaqi waan Hoseani jed'e, Maqa isii, Ta injaalanne baasiifi; wonti akanatiifi anini deebie gosa Israeli injaalad'u yokhaani inaraaramuufi,

⁷ ammo gosa Yuda injaalad'a. Ammalle anini, AABBO Waaqi, Waaqi worraa, worra imbaasa, ammo had'iisa goraadetiini yokhaani guubetiifi t'iyatiini yokhaani ka fardafi ka nama fardaani lolutiini imbaasu.

⁸ Eegi Gomeriini intala harma iraa kute, isiini ammalle garaachoofte ilma d'ibi deete.

⁹ Jennaani AABBO Waaqi waan Hoseani jed'e, Maqa isaa, Nama kiyyaniti baasiifi; wonti akanatiifi isani nami Israeli nama kiyyaniti, anileeni Waaqa keesaniniti.

Aka Israeli deebisu malani

¹⁰ Ammo ato akasile taate, worri Israeli hore aka maansa baariini lafa ira dabra, ka nami dandae inhenne. Qara Waaqi, Isani nama kiyyaniti jed'eeni, ammo guyyaani ind'ufa, ka inni, Ilmaani Waaqa jiru jed'uuni.

¹¹ Gosa Yudatifi ta Israeli wolti deebisani takaa tolchani. Worri nama toko ka mata worraa tahe worraani deemu fohata, duuba worri ammalle hore daraara. D'uguma guyyaani Yezreeli guyya jaba taha.