Henna 8 - KITAABA WAAQA

¹ AABBO Waaqi waan Musani jed'e,

² Waan atini Harunini jettu, Hojja atini ifse torbaani waan ifseeni ira ejaanjitu gubbaa keete, ifseeni torbaani sunini ha fuula durati ifsituti.

³ Harunini ee jed'e, ifse suni aka isiini fuula durati ifsitu, kaye.

⁴ Waan ifseeni ira ejaanjitu suni nafa isii ch'ufa worqi tumanini mid'aasani aka AABBO Waaqi Musa garsiise gula.

Aka worra Lawi qulqulleesani eebisani

⁵ AABBO Waaqi waan Musani jed'e,

⁶ Worra Lawi, gosa Israeli keesa, koba baasi akanaani qulqulleesi:

⁷ Bisaani qulqulleesanini iti fifit'i, waan jettuuni, rifeensa nafa keesani haadad'a woya teesanile miich'ad'a, aka akanaani qulqullooftani.

⁸ Duuba worri ha jibicha korma tokofi dargaye daakhanifi d'ad'a wolti makhani Waaqaa baasani taani fuud'uti. Atinileeni jibicha korma d'ibi fuud'i, ka sorio dabaani ufi iraa baasani baasani.

⁹ Duuba gumi Israeli ch'ufa wolti yaami, worra Lawi Waaro Woyyuma duraani kooti.

¹⁰ Worri Israeli ha harka ufi mata worra Lawi ira naqate,

¹¹ duuba Harunini ha worra Lawi maqa worra Israelitini naa kennuti, aka worri Lawi huji tiyya hojatu.

¹² Duuba worri Lawi harka ufi mata koromi lamaani taani ha ira kayuti, korma toko ha sorio dabaani ufi iraa baasani baasaniiti, kaani d'ibi ha sorio gubani baasani baasaniiti, aka akasiini worra Lawi qulqulleesani aada guutanifi.

¹³ Worra Lawi koba baasi, eebisi, naa kenni, Harunifi ilmaani isa gudda worraa tolchi.

¹⁴ Akanaani worra Lawi worra Israeli kaani keesa koba baasi, aka worri kiyya tahu.

¹⁵ Eegi atini worra Lawi qulqulleesite eebifte koba na baafte, worri ha Waaro Woyyuma seene hojatuti.

¹⁶ Anini fulla angafa ilmaani Israeli worra fud'ad'a worri amma kiyya.

¹⁷ Gaafa anini ilmaani angafa ch'ufa lafa Misiri keesa hobaase, gaafasi anini ilmaani d'iira ta Israeli ta angafatiifi waan horini worraa goroomuma d'ale ch'ufa fohad'e, koba olkeyad'e.

¹⁸ Anini amatana worra gosa Lawi, fulla ilmaani angafa ta Israeli, fud'achu jira,

¹⁹ duuba worra Lawi suni Harunifi ilmaani isaati kenni gumi Israeli keesa, aka worri Waaro Woyyuma keesa worra Israeliti hojatu, ammalle aka worra Israeli gaargala sila worrati d'ufa, yo worri fulla qulqulloti d'iaatu, iraa d'owu.

²⁰ Duuba Musafi Harunifi, gumiini Israeli ch'ufti worra Lawi eebifte koba baafte, akuma AABBO Waaqi Musani jed'e.

²¹ Jennaani worri Lawi ufi qulqulleese, woya miich'ate, Harunini worra eebise AABBO Waaqaa kenne, worra qulqulleese aada guutefi.

²² Duuba worri Israeli waan worra Lawi, ka AABBO Waaqi Musani jed'e, tolche. Akanaani worri Lawi Waaro Woyyuma seene, Harunifi ilmaani isaa jala hojate.

²³ AABBO Waaqi waan Musani jed'e,

²⁴ Worri Lawi ch'ufti hojja ganni worraa diddami shani gahe ha Waaro Woyyuma keesa huji hojatuti,

²⁵ yo ganni worraa shantama gahe ha huji suni lakisuti.

²⁶ Ammo eegi suni worri dandae worra Lawi kaani qarqaara, hojja worri Waaro Woyyuma keesa hojatu, ammo hataatu, huji tokole koba hojachu himmalle, aki atini worra Lawi hojachiiftu kana.