Henna 34 - KITAABA WAAQA

¹ AABBO Waaqi waan Musani jed'e, Waan atini worra

² Israelitini jettu: Hojja lafa Kanaani ta anini isanii kennu seentani, seeri lafa teesani akana taha.

³ Seeri gama bitaa, lafa aloo ta Siniti bahe seera lafa Edomuti Eja. Gara ilaboru seeri muumme galaana Sooda ta bitaati bahe,

⁴ bitaa qajeela kaarra Akrabimu keesa dabre, Sinile keesa dabre, haga Kadesh-Barneaati eja. Jennaani seeri mirga ila adu Hasar-Adariti qajeele, Azmoniti dabre,

⁵ achiti bale afaani seera Misiri deebie, Baariini Guddati muumme baha.

⁶ Seeri ila adu Baariini Gudda.

⁷ Seeri Mirga Baariini Gudda iraa bahe, gaara Horiti qajeele,

⁸ arti bahe, kaarra Hamathiti qajeela. Ammalle dura deeme, Sedaditi qajeele,

⁹ Zifroniti iti d'aabate, duuba Hasarrenati muumme baha.

¹⁰ Seeri ilaboru Hasarrenani ira bahe, Shefamuti qajeela.

¹¹ Duuba arti bahe, bita qajeele, Ribila ta Ainini ilaboru dabre, duuba kubile afaani galaana Galilaya gama ilaboruti qajeele,

¹² duuba bita iti d'aabate, galaana Yordani gula deeme, galaana Soodatini baha. Tunini seera moga afraani ka lafa teesani.

¹³ Jennaani Musani waan worra Israelitini jed'e, Tunini lafa isani hit'aani argattani, ta AABBO Waaqi gosa sagalifi gosa Manase ta haga gariti kenne.

¹⁴ Gochiti Reubenitifi ta Gaditifi worra gosa Manase ka ila boru jiruleeni yayu lafa ufi argatte worra ufi gula qoodate,

¹⁵ galaana Yordani ilaboru Yeriko gama.

Jaarole lafa qoodde

¹⁶ AABBO Waaqi Waan Musani jed'e,

¹⁷ Qaallicha Eleazarifi Yoshua ilma Nuniti, lafa biyyaa qooda.

¹⁸ Ammalle jaarsa gosaa, mataa gosa ch'ufa keesa fuud'i, worra woliini hojachiisi.

^19-28 Jaaroleeni AABBO Waaqi fohate tana: Gosa*t*Jaarsa Yuda*t*Kalebu ilma Yefune Simeoni*t*Shelumieli ilma Amihudi Benjamini*t*Elidadi ilma Kishloni Dani*t*Buki ilma Yogli Manase*t*Hanieli ilma Efodi Efraimu*t*Kemueli ilma Shiftani Zabuloni*t*Elisafani ilma Parnaki Isakari*t*Paltieli ilma Azani Asheri*t*Ahihudi ilma Shelomi Naftali*t*Pedaheli ilma Amihudi

²⁹ Tunini jaarole AABBO Waaqi fohate, lafa Kanaani qooda, worra Israeliti kenna jed'eeni.