Henna 30 - KITAABA WAAQA

¹ Musani jaarole gosa Israeliti matatiini waan jed'e, Wonti AABBO Waaqi jed'e tana.

² Hojja nami AABBO Waaqaa wa sii kenna jed'e kakhate, ammalle waan suni guute male intau jed'e kakhate, inni kakhu suni hanqisu himmalle, ammo waan inguuta jed'e ch'ufa guutuu male.

³ Hojja intalti infuud'ini, ta mana abba keesa jirtu, Anini AABBO Waaqa wa kenna jette kakhate, ammalle waan suni guutu male intau jette kakhate,

⁴ isiini waan intaha jette kakhate suni ch'ufa guutuu malte, yo abbaani isi d'agaye isi d'owe male.

⁵ Ammo yo abbaani isii waan isiini kakhate suni d'agaye isi d'owe isiini lakisu malte. AABBO Waaqi isii inaraarama waan abbaani isii isi d'owefi.

⁶ Yo intalti infuud'ini wa kakhate, beekhaa yokhaani beekha male wa kakhate, yokhaani waan suni guutu male intau jette kakhate, duuba ammo eegi suni isii fuud'ani,

⁷ isiini waan kakhate ch'ufa guutuu malte, yo d'iirsi isii d'agaye isi d'owe male.

⁸ Ammo yo d'iirsi isi d'agaye d'owe, isiini lakisu malte, AABBO Waaqi isii inaraarama.

⁹ Haati hiyyeesa yokhaani niitiini gursumetini, kakhu kakhateefi ammalle waan isiini waan suni guutu male intau jette ch'ufa guutu malte.

¹⁰ Yo niitiini fuud'ani kakhu kakhate, ammalle waan suni guutu male intau jette,

¹¹ isiini waan kakhate kaani ch'ufa guutuu malte, yo d'iirsi isii d'agaye isi d'owe male.

¹² Ammo yo d'iirsi isii d'agaye d'owe isiini, lakisu malte AABBO Waaqi isii inaraarama, waan d'iirsi isii kakhu suni guutuu d'owefi.

¹³ D'iirsi isii d'uga qaba, aka kakhu isiini kakhate suni iti lakise yokhaani d'owu.

¹⁴ Ammo yo guyya sunifi boriyyaatele woma injed'ini, isiini waan kakhate ch'ufa guutu malte. Inni yayu kakhu suni ee jed'e waan inni d'agaye iti lakiseefi.

¹⁵ Ammo yo eegi suni inni kakhu d'owe, inni wollaala isii fud'achuu male.

¹⁶ Aadaani kakhu dubra infuud'ini, ta mana abba ufi keesa jirtuufi yokhaani ta nad'eeni fuud'anile, ta AABBO Waaqi Musaa kenne tana.