Henna 28 - KITAABA WAAQA

¹ AABBO Waaqi waan Musani jed'e,

² Waan atini gumi Israelitini jettu, sagale gubani na baasu maltani ta ch'inch'aani isii na gammachiiftu, guyya isi baasu malani naa baasa.

³ Sagaleni gubani AABBO Waaqaa baasani tana: sorio guyya ch'ufa gubani Waaqaa baasani ha elemiye ilmoole hoola lama, ta aabo womatu inqamne, ta ganna toko qalaniti.

⁴ Elemiye suni toko diirama sorio baasa, kaani galgala baasa,

⁵ elemiye suni tamu dargaye kilo toko ta daakhanifi, ta d'ad'a killa tokotini wolti makhani, woliini baasa.

⁶ Tunini waan guyya ch'ufa gubani baasani, ta gaafa qara gaara Sinai irati gubani baasani, ta ch'inch'aani isii AABBO Waaqa gammachiiftu.

⁷ Daad'i elemo qara woliini AABBO Waaqaa baasani, fulla sorio irati baasaniiti daad'i dulo toko naqa.

⁸ Galgalale elemo lameeso akuma elemo diirama kaani, daad'i woliini sorio baasa. Tunileeni sorio gubani ta ch'inch'aani isii AABBO Waaqa gammachiiftu.

Waan guyya Sabato Waaqaa baasani

⁹ Guyya Sabato, elemiye lama, ta ganna toko, ta aabo womatu inqamneefi kilo lama ta dargaye daakhani, ta d'ad'ani wolti makhani, aka sorio gubani daad'i woliini baasa.

¹⁰ Sorio gubani tana guyya Sabato ch'ufa ha baasaniiti, waan guyya ch'ufa daad'i woliini baasani male.

Waan jia ch'ufa guyya qara baasuu malani

¹¹ Guyya baatini d'alattu ch'ufa sorio akana tana guba, Waaqaa baasa: jiboota kormaa lama, elemo toko, elemiye ilmoole hoola torba ta ganna toko, ka horini kuni ch'ufti aabo womatu inqamne.

¹² Mid'aani Waaqaa baasani, dargaye daakhani d'ad'ani wolti makhani baasa: jiboota koromi suni ch'ufa woliini dargaye daakhaani ta kilo sadi; elemo woliini kilo lama;

¹³ elemiye ilmoole hoola ch'ufa woliini kilo toko. Wonti gubani baasani kunini sagale Waaqaa baasani, ta ch'inch'aani isii isa gammachiiftu.

¹⁴ Daad'iini koromi ch'ufa woliini baasu malani dulo lama; ta elemo, dulo tokofi wod'aka; ta elemiye ilmoole hoola, dulo toko. Tunini aada waan sorio gubani, ta hojja baatini d'alattu ch'ufa, baasani.

¹⁵ Waan guyya ch'ufa gubani daad'i woliini Waaqaa baasani male, korbeesa toko sorio dabaani ufi iraa baasani, Waaqaa baasa.

Waan gaafa jila Qit'a bukho inqamne baasani

¹⁶ Guyyaani kud'ani afreeso ka jia qara guyya Pasaka AABBO Waaqati.

¹⁷ Guyyaani kud'ani shaneeso ka jia suni guyya jilati; jilti sunini jila guyya torba tolfatani, ammalle qit'a bukho inqamne ch'alla nyaatani.

¹⁸ Guyyaani jila suni ka qara guyya woldeenna qulqullooti, woli woldaa, woldeenna tolfad'a, huji tokole intolfatina.

¹⁹ Waan kana sorio gubani baasani, AABBO Waaqaa baasa: jiboota koromi lama, elemo toko, elemiye ilmoole hoola torba, ta ganna toko, ta tamu tokole aabo womatu inqamne.

²⁰ Dargaye daakhani ta d'ad'ani wolti makhanile baasa: kilo sadi jiboota koromi suni woliini kilo lama elemo woliini,

²¹ ammalle kilo toko elemiye taani ch'ufa woliini baasa.

²² Ammalle korbeesa toko sorio dabaani ufi iraa baasani baasa, akanaani biyya qulqulleesa aada guutafi.

²³ Waan guyya ch'ufa gubani Waaqaa baasani male waan kanale baasa.

²⁴ Karuma kanaani haga guyya torba sagale gubani AABBO Waaqaa baasani ta ch'inch'aani isii isa gammachiiftu baasafi waan guyya ch'ufa gubani daad'i woliini baasani male, waan kana baasa.

²⁵ Guyyaani torbeeso guyya woldeenna qulqullooti, woliwoldaa, woldeenna tolfad'a, huji tokole intolfatina.

Waan gaafa jila mid'aani murani Waaqaa baasani

²⁶ Guyya qaraa ka gaafa jila mid'aani murani, hojja isani mid'aani keesani ka qaraa murattani AABBO Waaqa baaftani, guyya suni woliwoldaa, huji inhojatina.

²⁷ Waan gubani Waaqaa baasani, ka ch'inch'aani isii AABBO Waaqa gammachiiftu baasa: jiboota koromi lama, elemo toko, elemiye ilmoole hoola torba, ta ganna tokoti, ta kamu aabo womatu inqamne.

²⁸ Dargaye daakhani ta d'ad'ani wolti makhanile, baasa: kilo sadi jiboota koromi suni woliini, kilo lama elemo kaani woliini,

²⁹ ammalle kilo toko elemiye taani ch'ufa woliini baasa.

³⁰ Ammalle korbeesa toko sorio dabaani ufi ira baasani baasa, akanaani biyya qulqulleesa, aada guutafi.

³¹ Waan guyya ch'ufa gubani Waaqaa baasanifi mid'aani Waaqaa baasani male, sorio tanaafi daad'ile Waaqaa baasa.