Henna 23 - KITAABA WAAQA

¹ Inni waan Balakini jed'e, Fulla sorio iti qalani torba d'akhaani na mid'aasi, ammalle koromi looni torbafi elemiye torba natiini kooti.

² Balakini waan Balamuni tolchi jed'eeni tolche, isaafi Balamuni; fulla sorio irati qalani taani torbaani irati koromi loonitifi elemiye taani, toko tokooni, sorio baasani.

³ Jennaani Balamuni waan Balakini jed'e, Atini arma fulla sorio gubani tana eji, duuba anini deeme, aka AABBO Waaqi nati d'ufu laale, deebie waan inni na garsiise siti hima. Duuba inni koba ufi iti d'aabate fiit'e gaara kore,

⁴ Waaqi achiti iti d'ufe. Jennaani Balamuni waan Waaqaani jed'e, Anini yayu fulla sorio irati qalani torba mid'aase, ch'ufa kormafi elemiye, toko tokooni irati baase.

⁵ AABBO Waaqi waan Balamuni Balakini jechu male iti hime, Beeni deebii, iti himi jed'eeni.

⁶ Duuba inni deebie Balaki, ka fulla sorio gubani taani jaarole Moabu woliini eju arge.

⁷ Balamuni fage waan jed'e: Balakini, hayyuuni Moabu, lafa Aramu gara gareeni ilaboruti na yaame kooti, naa dubbad'u, Yakobo falfali, worra Israeli naraa abaari, nani jed'e.

⁸ Anini waan Waaqi infalfalini eesa dandae falfala, yokhaani waan AABBO Waaqi inabaarini eesa dandae abaara?

⁹ Fiit'e gaara gubba anini worra arge; kubilele iraa worra doofad'e. Worri gosa koba godaantu, ta herega gosa d'ibi keesa injirre.

¹⁰ Ilmaani Israeli awaara fakaatti — eentu dandae worra heda? Muummeeni jireenna kiyya ha aka gumi Waaqa tana taatuti: Anini ha aka worra d'uga nagayaani duuti.

¹¹ Jennaani Balakini waan Balamuni jed'e, Atini maani na tolchite? Anini aka atini nyaapa kiyya abaartufi si yaame, ammo atini eeba male waan abaarsa tokole woma injenne.

¹² Balamuni waan jed'eeni, Anini waan AABBO Waaqi na jechisiisu male dandae waan d'ibi indubbad'u.

Fagisa lameeso Balamuni fage

¹³ Jennaani Balakini waan Balamuni jed'e, Kooti, nu yaasi fulla d'ibi ta atini worra Israeli haga toko argitu si geesa. Duuba artiti worra falfali, naraa abaari.

¹⁴ Inni ballinna Sofimu ka fiit'e gaara Pisga geesa, artileeti fulla sorio irati qalani torba d'akhaani mid'aase, koromi loonitifi elemiye, toko tokooni, irati sorio baase.

¹⁵ Balamuni waan Balakini jed'e, Sorio gubani tana bira eji, anini achi deeme Waaqa arga.

¹⁶ Duuba AABBO Waaqi Balamuti d'ufe waan inni jechu mala iti hime waan jed'eeni, Gara Balaki d'aqi, dubbi tana iti himi.

¹⁷ Duuba inni deebie, Balaki ka jaarole Moabu woliini sorio gubani taani bira eju arge. Balakini waan AABBO Waaqi isaani jed'e gaafate,

¹⁸ jennaani Balamu dubbi tana fage waan jed'e: Kooti, Balaki ilma Sipori, waan anini siti himu fed'u ch'aqasi.

¹⁹ Waaqi namaaniti, ka kiyyibu; inni namaaniti ka qalbi jijiratu inni waan jed'e inguutu? Waan dubbate intolchu?

²⁰ Anini yayu Eebisi naani jed'ani, eegi Waaqi eebise anini dandae garaingalchu.

²¹ Woni anini arge worri Yakobo d'ipu inqabu, worri Israeli gaargala inargatu. AABBO Waaqi worraa worra woliini jira, worri hayyu keenna isaani jed'a.

²² AABBO Waaqi ya worra lafa Misiri keesaa baase, inni aka gafarsa worraa kalcha.

²³ Qud'aami falfala yokhaani tolchi aka d'ibi ka worra Israeliti tolchani injiru. Amma tana biyyiti waan Israeli dubbate waan jettu, waan Waaqi worraa tolche, me ilaala!

²⁴ Gochiti Israeli aka janna nyeench'a jirti: Isiini haga gargari tatarsaafte nyaate hobaafte waan ijeefte ch'ufa d'iiga d'uduti gadi inch'iiftu.

²⁵ Jennaani Balakini waan Balamuni jed'e, Atini ya worra Israeli abaaru didde, ammo yo sule dad'abde ini eebisinifi!

²⁶ Ammo Balamuni waan jed'eeni, Anini qara siti inhimne aka waan AABBO Waaqi nani jed'e ch'alla tolchu!

Fagisa sadeeso Balamuni fage

²⁷ Balakini waan jed'eeni, Na woliini kooti, fulla d'ibi si geesa. Hegeri Waaqi achiti ee jed'afa, aka atini worra falfalte naraa abaartu.

²⁸ Jennaani inni Balamu fiit'e gaara Piori guba, ka lafti aloo jalaa mullatu, geese.

²⁹ Balamuni waan jed'eeni, Fulla sorio irati qalani torba d'akhaani na mid'aasi, koromi looni torbafi elemiye torba natiini kooti.

³⁰ Balakini akuma tolchi jed'aniini tolche, koromi loonitifi elemiye suni, toko tokooni irati sorio baase.