Henna 13 - KITAABA WAAQA

¹ AABBO Waaqi waan Musani jed'e,

² Gosa kud'ani lama ta Israeli keesa, nama jaarsa, toko toko fohad'i, lafa Kanaani, ta anini gumi Israeliti kennuti dooya ergi.

^3-15 Musani ee jed'e, lafa aloo ta Parani keesa jaarole tana erge: Gosa Jaarsa mata Reubeni Shamua ilma Hori Simeoni Shafati ilma Yefune Yuda Kalebu ilma Yusufu Isakari Igali ilma Yusufu Efraimu Hoshea ilma Nuni Benjamini Palti ilma Rafu Zabuloni Gadieli ilma Sodi Manase Gadi ilma Susi Dani Amieli ilma Gemali Asheri Shethuri ilma Mikaeli Naftali Nabi ilma Wofsi Gadi Seuli ilma Maki

Gosa Jaarsa mata

¹⁶ Worri dooya ka Musani lafa suniti erge suni. Inni maqa Hoshea ilma Nuni Yoshuati jijire.

¹⁷ Musani gaafa worra erge suni waan jed'eeni, Armaa mirga yaa, lafa kanaani bitaani duuda, duuba lafa gaareeniti iti d'aabad'a.

¹⁸ Waan lafti suni keesa jirtuufi nama haga keesa jirufi ammalle aka worri irre qabu qorqorad'a.

¹⁹ Ammalle aka lafti hamtutiifi dansa, yokhaani aka diri worraa naabo qabuufi ka inqamne hubad'a.

²⁰ Ammalle aka biyyeeni lafa dansatiifi yokhaani aka lafti mukha qabdu qorqorad'a. Garaa jabaad'a, mid'aani lafti suni baaftu guura, kootani. Yoi kunini yo mid'aani zabibu ka qara bilchaatani.

²¹ Duuba jari mirga yae, lafa suni haga lafa aloo ta Sini ta bitaati keessuma yae, Rehobu ta d'aatu kaarra Hamathi ta mirgatini bahe.

²² Worri qara lafa bitaati qajeele dira Hebronitiini bahe, fulla worri d'eed'erani gosa Anaki, ka balbalati gosa Ahimanifi Shishaifi Talmai iraa baate tau. (Hebroni suni ganna torba dira lafa Misiri ka soori jed'ani durati jaarani.)

²³ Jennaani bale Eshkolitini bahani, achiti dame mukha zabibu ta mid'aani guddo qabdu, ta nami toko ufiti dandae imbaane, ammo nami lama kalchooni baatu murani. Worri ammalle mid'aani aka okhoku jiratifi mid'aani odatini gale.

²⁴ (Fulla sunini Bale Eshkoli jed'ani, wonti akanatiifi worra Israeliti fulla suni dame mid'aani ta zabibu ch'abse.)

²⁵ Worri dooyaa kaani eegi guyya afurtama lafa suni keesa yae dooyate,

²⁶ Musafi Harunifi gumi Israeli ch'ufati deebie, lafa Kadeshi jed'ani ta aloo ta Parani keesati. Worri waan arge biyyati hime, mid'aani d'ufaninile biyya garsiisani.

²⁷ Duuba waan Musani jed'ani, Nu lafa keesa, yaane, lafa aananifi dammi aka lola yau argine kuno, mid'aani isii hagi toko kana.

²⁸ Ammo gochiti achi teetu guddo irre qabdi, diri worraleeni gugurda, ammalle aka jaba maneenifi naabo isaale jaarani. Suni malele, nu ilmaani gosa Anaki worra gugurda d'eed'era kaani, argine.

²⁹ Worri Amaleki lafa Negebu ta bitaa qubata; worri Hititifi ka Yebusitifi ka Amori lafa gaareeni keesa qubata; ammalle worri Kanaani afaani Baariini Guddatifi d'aatu galaana Yordani qubata.

³⁰ Kalebuni Musa durati biyya ch'allisise waan jed'e, Nu amma tana kaane lafa suni fud'achu male, nu yaasa. Nu irre jabdu qamna ta dabsanuni.

³¹ Ammo jari Kalebuni woliini yau kaani waan jed'e, Hiyo, nu irre jabdu worrani haanu inqamnu, worra indandeennu; gochiti sunini nura irre qabdi.

³² Akanaani worri dubbi d'ara ta waan lafa dooyate worra Israeliti hime waan jed'e, Lafti sunini nama keesa taule woma imbaatu, sagale nama geetu imbaaftu. Nami nu achiti garre ch'ufti aka takinargini d'eed'era,

³³ ammalle worri ilmaani Anaki ka Nefili jed'anile achiti argine, nu worra durati akuma koropu ufi agarra, worrileeni hegeri akasuma nu seha.