Henna 12 - KITAABA WAAQA

¹ Waan Musani niiti gosa Kushi fuud'eefi, Miriamufi Harunini waan quufa d'aba isaa dubbatani,

² waan jed'ani isi, AABBO Waaqi Musa ch'allaani dubbate? Inni nuleeni indubbane? Dubbi worra tana AABBO Waaqi d'agaye.

³ (Musani nama guddo balchicha, nama balcha aka isaa lafa keesati inargani.)

⁴ Jennaani hojuma suni AABBO Waaqi Musafi Harunifi Miriamuuni dubbate waan jed'eeni, Isani sadeenu fulla Waaro Woyyumati koota. Worri kae yae jennaani

⁵ AABBO Waaqi baaldo dumansa keesa gabue, balbala Waaro Woyyuma keesa eje, Harunifi Miriamu yaame. Jennaani worri lachu isa dura d'ufe,

⁶ duuba AABBO Waaqi waan jed'eeni, waan anini isaniini jed'u ch'aqasa! Hojja raagi isani keesa jiraate, anini daayyani worrati mullad'e oobju keesa worrati dubbad'a.

⁷ Ammo hojatu tiyya Musa anini akasi indubbad'uuni: Anini isa yayu gudda gumi tiyya ta Israeli tolche.

⁸ Tanaafi anini yo isaani dubbad'u mammaasaani woiti inhimu, ammo diideese afaanuma kiyyaani iti hima. Inni ya iluma ufitiini aka anini jiru arge. Isani akami re hojatu tiyya Musa hameenna isaa dubbatani?

⁹ Duuba AABBO Waaqi worrati dallane, kae biraa deeme; akuma inni deemeni

¹⁰ dumansi kaani Waaro Woyyuma iraa kae jennaani d'ukubi hamani, aka qomaat'a, nafa Miriamu qabate, nafi isii aka boofta addaate. Harunini isi millate, d'ukuba irati arge jennaani;

¹¹ waan Musani jed'e, Aabbo, nu ya daalloomne siti ch'ubbamne, ammo atini nu imballeesini.

¹² Aka ilmaani fulla ingaini d'alate ta fooni gama toko inqamne isi intolchini.

¹³ Jennaani Musani AABBO Waaqati bohe, Ee, AABBO isi fayyisi jed'e.

¹⁴ AABBO Waaqi waan jed'eeni, ato abbaani isi d'ale fuula isii hanch'ufa iti tufe, isiini bulti torba ch'eeru himmalle? Tanaafi isiini haga torbaani toko ha olla keesaa ala teetu, eegi suni ha deebituuti.

¹⁵ Duuba Miriamu bulti torba olla keesaa alati baasani, biyyitileeni haga isiini fayyite olla deebituuti ingodaanne.

¹⁶ Jennaani eege Haserothi kaani lafa aloo ta Paraniti qubatani.