Habakuki 2 - KITAABA WAAQA

¹ Anini doofi tiyya kore waan AABBO Waaqi, Biyyati himi naani jed'u, yokhaani aka inni quufa d'aba anini iti himad'e kaani qonqo isaa na deebisu iraa eegad'a.

² Duuba AABBO Waaqi waan naani jed'e, Waan daayyani argitu kana d'akha hahafalicha irati t'aafad'i, aka nami gaargala male aka dansaa soomu.

³ T'aafad'i, wonti akanatiifi dubbini guutamu ingeenne; ammo yoi sunini fago injiru, wonti anini si garsiisu inguutamti. D'ufisi isaa hegeri, ato turele, inuma taha, ammo eeguma eegi; guyyaani sunini inuma d'ufa, inhanqatu, ammalle guddo inturu.

⁴ Duuba dubbini tana: Ch'ubbichi inhafu, ammo nami d'uga maro d'ugefacha isaatiifi injiraata.

Badi nama ch'ubbu tolchu qabatu

⁵ Duroomi nama soba; nami sabdichileeni kiyyiba, fulla toko intau — akuma booliti duisaa woma inquumne, innileeni woma inquufu. Tanaafi inni gosa ch'ufa dabsate waan worraa ch'ufa saama.

⁶ Worri dabsatani suni worra worra dabsatu goyeese tuffate waan jed'u, Isani waan waan keesani intahiini fud'attani, ammo imbaddani! Haga yoomi nama gati teesani qabu irreeni iraa wo fud'attani duroomtani?

⁷ Ammo ato inhubatini, isani ka qara nama dabsattani ufiyu gati fud'attani, Tirfi baasa isaniini jed'ani. Nyaapi d'ufe isani mudamsiise isani iraa wo saama!

⁸ Isani nama gosa heddu saamtani, ammo worri nami hafe isani saama; wonti akanatiifi isani nama ijeeftani ammalle nama lafa keesa jirufi dira worrale haatani.

⁹ Gaargala keesani! Isani ka woi nama iraa saamtani waan suniini worra keesani duroomsitani; isani mana keesani mukha gubbati aka simpirre jaarattani, aka gaargalafi yokhaani nyaapi isani ind'aqamne!

¹⁰ Ammo mali keesani sunini ya ch'eera worra keesanitiini d'ufe; isani gosa heddu balleesitani, akasiini badi ufiitini d'uftani.

¹¹ D'akhaye mana keesanileeni waan isani taatani iraa boote, mukhi isaaleeni boha suni jalaa qaba.

¹² Gaargala keesani! Isani ka d'iiga namaa jissitani akasiini ijaarsa dira yayabdani, ch'ubbuuni dira suni jaartani hobaaftani.

¹³ Gochiti isani dabsattani huji woma imbaane hojatte ufi dad'absiifte, ammo waan worri hojate jaare ch'ufa ingubani. Hujiini tunini ch'ufti huji AABBO Waaqi Guddaani tolcheniti?

¹⁴ Ammo akuma bisaani baariini guutani, akasuma lafti beekhuma guddinna AABBO Waaqatini guutamti.

¹⁵ Gaargala keesani! Dallansu teesaniini olla keesani ch'eersitani foko d'owartani; aka nama farso d'uge daaqu worra tolchitani.

¹⁶ Isanileeni fulla sila gurra argattani gaargaltani ch'eertani. Nami farso d'uge daaqu isanuma! AABBO Waaqati muduunu teesani ta gaargala keesaa isani obaase, gurri keesani garagale ch'eera taha.

¹⁷ Isani qara badda Lebanoni ch'irtani, ammo ammatana isani ch'irani. Isani qara bineensa isii fitt'ani, ammo bineensi sunini isani mudamsiise lubbu isani naqa. Wonti woni kunini taatuufi, waan isani d'iiga namaa jissitani nama fitt'ani namafi dira worrale ch'ufa saamtani balleesitanifi.

¹⁸ Wonti harkaani mid'aasani kad'atani kunini maani namaa baati? Isiini ufiiftu akheekhuma, ka nami harkaani mid'aase; d'ara male huji d'ibi inqabdu. Wonti dansaani isiini abba mid'aase d'ugeefatu sunile tolchitu maani? — ka ufiiftu dandeete indubbanne!

¹⁹ Gaargala keesani! Isani ka mukhaani, Kai jettani, yokhaani d'akhaani, Oleji jettani! Ehayi, wonti akana kunini dandeete woi isaniti imulliifti? Ato qarsifi worqi fuud'ani nafa isaa ch'ufaani duuchanile, isiini lubbu inqabdu.

²⁰ AABBO Waaqi Mana ufii qulqullo keesa jira: nami lafa keesa jiru ch'ufti ha isa durati ch'allisuti.