Galatia 4 - KITAABA WAAQA

¹ Ilaala, gurba abba d'aalu haga inni diqa ch'ufa hojja ch'ufa akuma tisse tolchani, ato wonti ch'ufti ta isaa taatele.

² Haga inni diqa, nama isa qorqorate waan isaa ch'ufa tissuti jira, haga guyyaani abbaani d'aamatu gahuuti.

³ Akasuma nuleeni duri, gaafa ijoolle, tisse qilleensa lafa fidu.

⁴ Ammo hojjaani geennaani, Waaqi Ilma isaa erge. Haad'a namati isa d'ale, Seera Yahudi keesaa d'alate,

⁵ aka worra Seera jala jiru balchoomsu, aka nu ilmaani Waaqaa taanu.

⁶ Waaqi aka, aka nu ilmaani isaa agarsiisu, Lubbu Ilma ufi erge garaa keenna ke kaye, ta Aabbo, Aabbo kiyya jettu.

⁷ Tanaafi armaa achi atini tisseeniti, ammo ilma. Waan atini ilma isaa taateefi, Waaqi d'aala ufi ch'ufa sii kenna.

Pauloni gumi Galatia kad'ata aka garingale

⁸ Duri isani Waaqa imbeetani, tanaafi tissele waan waaqa intahiini taatani.

⁹ Ammo amma waan isani Waaqa beetaniifi yokhaani waan Waaqi isani beekhufi akamiini dandeetani herega lafa ka woma imbaane ka due deebitani? Maafi deebitani tissele worra tahu feetani?

¹⁰ Isani guyyafi jiafi gannafi bara hereddani!

¹¹ Anini waan keesani insodaad'a. Hujiini anini jiddu teesaniti hojad'e ch'ufti ufumaa baddi?

¹² Anini isani kad'ad'a, oboleyaani tiyya, aka kiyya taha. Anileeni akuma keesani jira. Isani nati iwolaalle.

¹³ Isani waan anini Odu Dansa qaraa fiit'e isaniti odeeseefi imbeetani; waan anini fayya d'abeefi.

¹⁴ Taatule gaafasi isani na intufanne yokhaani na indinne, ato nafi kiyya gufu isani tahele. Ammo akuma sila malaika Waaqa fud'attani nale fud'attani; akuma Kristo Yeso fud'attani nale fud'attani.

¹⁵ Isani gaafasi guddo gammaddani! Ammo amma maanti lafa d'ufe re? Wonti anini waan keesani jed'u tana: yo dandeetani gaafasi sila ilale ufi keesaa fuutani naa kennitani!

¹⁶ Amma ya d'uga isaniti himnaani nyaapa keesani tahe?

¹⁷ Jari kaani guddo isani sosoba, ammo dansumti keesa injirtu. Worri gargari nu baasu fed'a, aka waan worri isani sehu isanileeni worrale seetani.

¹⁸ Duuba guddo dansa, yo waan dansaafi nama jaalatani wonti kunini yo ch'ufa dansa, yo anini isani woliini jiru ch'allaaniti.

¹⁹ Ijoolle tiyya, akuma haati nama d'altu ch'ininfatte d'ukubsattu, anileeni isanifi d'ukubsad'a, haga Kristoni isani keesati uumamuuti.

²⁰ Yo sila isani woliini jiraad'e, guddo fed'a, aka waan keesani kara d'ibiini heregu. Anini guddo waan keesani yaada!

Fakeenna Hajirifi Sara

²¹ Isani worra Seera gula yau fed'u, anini wo gaafad'a: waan Seeri jed'u ind'ageetaniiyu?

²² Abrahamuni ilmaani lama qaba jed'a, toko niiti tisseti d'aleefi, kaani niiti balchaati d'ale.

²³ Ilmi niitiini tisse d'alte aada namaa gula d'alate, ammo kaani kakhu Waaqa gula d'alate.

²⁴ Waan kana aka mammaasa hima: nad'eeni lamaani wold'aqisa lama, toko Hajiri ta gaara Sinai ira d'ufte, d'alooti isii tissele.

²⁵ Hajiri gaara Sinai ka lafa Arafti keesa jiru fakaatti; isiini fakeenna dira gudda Yerusalemu amma jiru qabdi, ka nami isa keesa jiru ch'ufti tisse.

²⁶ Ammo Yerusalemuni gubbaa balcha, isiini haad'a teenna.

²⁷ Wonti akanatiifi t'aafiini waan jettu, Gammadi, niiti taka ilmaani ind'aliini! Iyi, qilit'ami, atini nami taka ch'ininfacha d'alisaa inargiini! Niitiini d'iirsi lakise niiti d'iirsa qabdu taani ira ilmaani d'alti.

²⁸ Amma isani, oboleyaani tiyya, ilmaani Waaqaati, maro kakhu isaatiifi, akuma Isaaqo.

²⁹ Gaafasi ilmi aada nama gula d'alate ilma Lubbu Waaqaatiini d'alate gaargalche; arrale akasuma.

³⁰ Ammo t'aafiini maani jetti? Niiti tissetiifi ilma isii gati, wonti akanatiifi ilmi niiti tisse ilma niiti balcha woliini abba ind'aalu jetti.

³¹ Tanaafi oboleyaani tiyya, nu ilmaani niiti tissetiiniti, ammo ta niiti balchaati.