Galatia 1 - KITAABA WAAQA

¹ Maqaani kiyya Paulo, ka yaamichi aka anini ergattu tahu namaani ind'ufiini yokhaani nama ira ind'ufiini, ammo Yeso Kristofi Waaqa Abba, ka duisa keesaa isaa kaase, iraa d'ufe.

² Oboleyaani arma na woliini jirtu ch'ufti gumi Galatia jirtu nagaya d'aamti.

³ Waaqa Abba keennafi Aabbo Yeso Kristoni eebafi nagaya isanii kennina.

⁴ Aka d'aloota hama kana keesaa nu baasu Kristoni maro daba keennatifi ufi baase, fed'i Waaqa Abba keennati guute.

⁵ Guddinni haga hegerile gara Waaqa tahinna! Amini.

Oduuni d'ibiini injirtu

⁶ Isani guddo na mamsiiftani! Yoosu nama eeba Kristotiini isani yaame lakiftani, odu d'ibi gula yaatani.

⁷ Oduuni d'ibiini injirtu, ammo anini waan kana, waan nami gari ka isani gaargalche odu Kristo garagalchu fed'u jiruufi jed'e.

⁸ Ammo yo nuu, yokhaani malaikaani gubbaa baate, odu ta nu isani barsiimne isani ira gorsite ta d'ibi isaniti odeesite, nami sunini ha abaaramu.

⁹ Nu waan kana qara jenne, ammalle anini injed'a: Yo nami tokoleeni odu isani qara fud'attani ira ta d'ibi isaniti odeese, nami suni ha abaaramu!

¹⁰ Wonti kunini waan anini jaalala namaa barbaadu fakaatti? Hiyyo! Anini jaalala Waaqa ch'alla barbaada! Anini nama heddu ka na owisu fed'a? Yo sila waan suni fed'e, anini hojattu Kristo intahu.

Aka Pauloni ergattu tahe

¹¹ Waan kana isaniti hima, oboleyaani. Dubbini dansaani anini odeesu ta nami mata ufitiini baafateeniti.

¹² Anini nama tokole ira inarganne, yokhaani nami tokoleeni na imbarsiimne, ammo Yeso Kristoti nati mullise.

¹³ Aka anini duri tahe, gaafa aada Yahudi keesa jiru, ya d'ageetani, aka anini naasu male gumi Waaqa gaargalche, aka balleesu iti kae.

¹⁴ Anini hariya tiyya ch'ufa aada Yahudi keesati ira jira. Aada ababoota teenna aka male jabeese.

¹⁵ Ammo Waaqi, eeba isaatiini, ato anini ind'alatiini na yaame na fohate, aka anini isaa hojad'u.

¹⁶ Gaafa inni Ilma isaa nati mullise, aka anini gosa d'ibiti Odu Dansa odeesu, anini gara nama tokole gorsa ind'anne,

¹⁷ yokhaani Yerusalemu d'aqe worra na durati ergattu tahe argu ind'anne. Ammo, maro tokotu, lafa Arafti d'aqe, jennaani Damaskiti deebie.

¹⁸ Eegi ganna sadi anini Yerusalemu d'aqe, aka odu Kefa iraa fuud'u, torbaani lama fulla isaa tae.

¹⁹ Anini ergattu d'ibi tokole ingarre, Yakobo oboleesa Aabbo male.

²⁰ Wonti anini t'aafu kunini waan d'ugaati, anini kiyyibuuti injiru, Waaqi na didinna!

²¹ Eegi suni anini lafa Shamutiifi ta Kilikia keesa deeme.

²² Haga kana ch'ufa gumiini Kristiana ta Yudea keesa jirtu fuulale na imbeetu.

²³ Waan biyyiti wolti hasoofte ch'alla beekhani: Namichi duri nu gaargalche kaani amma d'ugefacha duri balleesu fed'e taani tae barsiisa! jed'ani.

²⁴ Tanaafi maro tiyyaafi worri Waaqaa gaalata deebise.