Filipi 3 - KITAABA WAAQA

¹ Dubbi buufata, oboleyaani tiyya, Aabbooni, gammada gudda, isani kenninna. Waan duri jed'e, jechaani na ind'iibdu, ammo guddo wo isanii baati.

² Worra waan hamtu tolchu fed'u, sareele, nama intahiini, ka nafa namaa ch'iru fed'u eegad'a.

³ Wonti akanatiifi nami qabanqaba d'uga argate nuu, worraaniti; nu Waaqa lubbu isaatiini kad'anna, ammalle jireenna keenna ka Kristo Yeso keesatiifi gammanna; aada namaa ta nafa ind'ugefannu.

⁴ Yo fed'e anini sila dandae waan akana d'ugefad'a. Yo nami tokoleeni aada namaa ta nafa d'ugefate, ka nara d'ugefatu injiru.

⁵ Eegi d'alad'e torba bule qabanqaba na qabani. Gochiti tiyya Israeli, balbala Benjamini, Ebrania d'ugaati. Aada Yahudi gula anini Farisayo.

⁶ Tanaafi anini guddo owe gumi Yeso balleesu malad'e. Yo nami Seera gula deemu d'uga argate, yoosi anini wollaala tokole inqabu.

⁷ Ammo waan duri ira jirti heregad'e ch'ufa amma woma keesa na injirtu, maro Kristotiifi.

⁸ Waan kana ch'allaaniti; maro lubbu Aabbo kiyya Yeso Kristo ta waan ch'ufa ira guddotiifi: maro isiitifi anini ya waan ch'ufa lakise. Waan ch'ufa anini aka huura herega aka akasiini Yeso argad'e,

⁹ isaani takaa tahu. Anini ammatana d'uga nami Seera guutu argatu tokole inqabu. Anini amma d'uga ta d'ugefacha Yeso Kristotiini argatani qaba, d'uga Waaqa biraa d'uftu, ta d'ugefachaani argatani.

¹⁰ Anini Kristo beekhe jabeenna kaisa isaa ch'alla argachu fed'a; gaargala isaa argad'e duisa isaa keesa aka isaa tahu fed'a,

¹¹ aka yo sila naa taate, nale duisa keesaa jireennati kaasani.

Utaalchafi argacha

¹² Anini waan kana qara argad'e injed'u, yokhaani Ya qit'oome injed'u. Ammo guddo barbaada aka argad'u, waan Kristo Yesoni duriyu na barbaade na argateefi.

¹³ D'uguma oboleyaani, anini waan argad'e ufi insehu; ammo wonti anini barbaadu, aka waan na duuba jira lakise waan na dura jira iti hit'efad'u.

¹⁴ Tanaafi anini inutaala, aka nama ch'ufa qolche wo argad'u: wonti suni yaamicha Waaqa, Kristo Yeso keesa, gara jireenna gubba.

¹⁵ Nuuni nami gugurdaani ch'ufti sila herega kana qabaachu malle. Ammo yo isani hagi gari herega d'ibi qabaattani, Waaqi isani agarsiisa.

¹⁶ Akuma taatefu, d'uga nu qara arganne gula nu yaasa.

¹⁷ Wold'aqa, na fakaad'a, oboleyaani isaniini ch'ufti. Nu ya kara d'uga isani agarsiimne; worra gula yau ilaala.

¹⁸ Anini waan kana maro heddu isaniti hime, ammalle imimaaniini iti deebie hima: nama hedduti jira, ka jireenni worraa nyaapa Kristo maskali gubbati due tolchu.

¹⁹ Eegeeni worra badi, Waaqi worra d'araa garaa worraati, fulla sila ch'eeru malani ufi saadani, waan lafa tana ch'alla heregani.

²⁰ Ammo worri keenna gubba; Qarqaarsa keenna Aabbo Yeso Kristo ka gubba gadi d'ufu eegachu jirra.

²¹ Inni nafa keenna lalaafa garagalche, aka nafa isaasaa ka guddinna, tolcha, irre inni waan ch'ufa harka ufi jalati deefatuuni.