Filipi 2 - KITAABA WAAQA

¹ Jireenni keesani ka Kristo keesaa isani jabeesa mo? Jaalalti isaa garaa keesani jabeesiti? Lubbuuni wold'aqisa qabdu? Woli naatu?

² Herega takafi jaalala takafi lubbu takafi qalbi takaani na gammachiisa duuba.

³ Waan tokole ufi jaalalafi yokhaani ufi guddisitiini intolchiina, ammo woldurati ufi diqeesa, waan nama d'ibi ira jirtani ufi insehiina.

⁴ Waan nami d'ibiini fed'u barbaada, waan keesani ch'alla imbarbaadiina.

⁵ Heregi keesani ka Kristo Yesoni qabu ha tahu:

⁶ Inni haguma jiru jireenna Waaqa, ammo aka irreeni haga Waaqaatiini ufi gahu inherenne.

⁷ Ammo fed'i ufitiini waan ch'ufa lakise tisse ufi tolche. Aka nama ufi tolche, fakeenna namatiini mullate;

⁸ ufi diqeese, duale ee jed'e fud'ate dua maskali gubba.

⁹ Maro waan kanatifi Waaqi fulla fulla ch'ufa ira guddo, ta gubba isa geese. Maqa maqa ch'ufa ira jiru isaa kenne.

¹⁰ Aka, maro ulfinna maqa Yesotiifi, wonti gubba jiratiifi ka lafa jiratifi ka lafa jala jira ch'ufti jilbifate,

¹¹ nami ch'ufti diideese, Yeso Kristoni Aabbo jed'u, aka maqa Waaqa Abba guddisani.

Lafa keesa ifsa taha

¹² Tanaafi oboleyaani tiyya, akuma duri gaafa anini isani woliini jiru na ch'aqaftani, ato isani ira fago jiraad'ele, ammatana hagasile ira na ch'aqasa. Sodaafi holachaani hojad'a aka baafami keesani qit'au.

¹³ Wonti akanatiifi Waaqi hojja ch'ufa isani keesa hojachu jira, aka, aka fed'i isaa guuttani, isani feesise dandeesisu.

¹⁴ Waan ch'ufa dubbifi gungumsu male tolcha,

¹⁵ aka ijoolle Waaqa dadansa, ta wollaalafi ch'ubbu inqamne, ammo ta d'aloota hamafi ka daba keesa teteetu. Aka urjiini gubba ifsitu jiddu worrati ifsa,

¹⁶ d'aamsa jireenna iti hima. Yo isani akasi tolchitani, anini Guyya Kristo, waan keesani dansa ka dubbad'u qaba; wonti akanatiifi aka gaargala kiyyafi hujiini tiyya bilaasha intahiini agarsiifti.

¹⁷ Mala kiyya, d'iiga kiyya aka sorio ta aadaani teesani maro d'ugefachatiifi Waaqaa baaftu akasuma jissani. Yo akasi taate, anini gammade duuba nu ch'ufti wolumaani qilit'amna.

¹⁸ Akasuma isanileeni gammaddani, wolumaani qilit'amna.

Waan Timotheofi Epafrodito

¹⁹ Anini Aabbo Yeso keesa inheregad'a, aka Timotheo d'iotu isaniti ergu, aka eegi odu teesani d'agaye gammadu.

²⁰ Isa ch'allati waan anini heregu herege waan keesani qorqorata.

²¹ Nami kaani ch'ufti waan ufi ch'alla herega, nami waan Yeso Kristo heregu injiru.

²² Isani aka inni guddo wo bahu imbeetani, ammalle aka anafi inni aka abbaafi ilma maro Odu Dansaatiifi woliini hojanne imbeetani.

²³ Aka d'iotu isa gara keesani ergu la heregad'e, eegi waan anini ke jiru hubad'e;

²⁴ anileeni waan d'iotu d'ufu ufi seha, yo Aabbooni jed'e.

²⁵ Mala kiyya, oboleesa keenna Epafrodito isaniti ergu male. Inni wahela naa tahe na woliini hojate, isanileeni isa ergattani aka inni na qarqaaru.

²⁶ Inni guddo isani ch'ufa argu fed'a, ammalle aka inni fayya intahiini isani d'ageetani jennaani inni guddo lalefate.

²⁷ Inni guddo fayya d'abe, diquma induiini d'uguma ammo Waaqi isaa nahe, isa ch'allaaniti ammo nalee nahe, aka anini hagasi ira illaalefanne.

²⁸ Tanaafi anini guddo gara keesani isa ergu fed'a, aka hojja isa argitani gammaddani, naasuuni tiyya baddu.

²⁹ Aka oboleesa Aabbo keesa isa fud'ad'a. Nama akana kana ch'ufa ulfeesa;

³⁰ wonti akanatiifi inni jireenna ufi baase, diquma induiini maro huji Kristotiifi, aka qarqaarsa isani naa kennu indandeenne naa kennu.