Faaru solomoni 6 - KITAABA WAAQA

¹ Atini ta nad'eeni ch'ufa ira mid'aadu, jaali kanke eesa deeme kana? Kara bad'aasoni kanke deeme nuti himi, aka nu barbaada isaa si qarqaarru.

Niiti:

² Jaali kiyya ya oobru ufi deeme, fulla qayya iti oobrani inni ree ufi achi tisse liike wolti guura.

³ Jaali kiyya kiyyuma, anileeni tauma isaati; inni ree ufi liike keesa tissa.

Namicha: Faaru shaneeso

⁴ Bad'aaso tiyya, atini mid'aadu aka Yerusalemu, faaya aka dira Tirza, ta aka dira gugurda kana nama mamsiiftu.

⁵ Ila tante naraa deefad'u, ya na maraachite. Geedi mataa kanketileeni akuma laleesa gaareeni Gileadi ira gadi buraaqu tabati.

⁶ Ilkani kanketileeni adi ch'aama aka hooliye d'iqani, isaani ka hanqo inqamme woliqit'aani bahani.

⁷ Boqoni tanteleeni hagogo keesaa ch'ululut'i.

⁸ Hayyuuni yo fed'e nad'eeni jaatamafi jaaltowani saddeetamatifi ammalle dubra kaima ta muumme inqamme ha qabaatu!

⁹ Ammo anini tokoma ch'alla jaalad'a, ta aka sabaliisa nati mid'aadu. Haati isuma ch'alla qabdi, tanaafi guddo jaalatti iraa imbaatu. Nad'eeni ch'ufti isi laalte isi faarsite, nad'eeni hayyuutifi jallowani isaa ch'ufti sirba keesa isi faarsiti.

¹⁰ Eenu tunini ta milluni isii aka biiftu naamati ejitu? Isiini mid'aadu ch'ulut'u bibilit'u, aka adufi jia.

¹¹ Anini yayu mukeeni qurqura keesa bahe d'ufe, aka marra qarach'a bale keesati bahufi baala zabibutifi kalacha okhoku argu.

¹² Atini ya jaalalaani na siesite na roqomsifte aka tetu farda ta had'iisaa kurfefate na tolchite.

Nad'eeni:

¹³ Sirbi, sirbi intala Shulama, nu sirba ke d'aawanna. Isani maanifi na dawaachu feetani, hojja anini jidu gumi na dawaatu keesati sirbu?