Faaru solomoni 3 - KITAABA WAAQA

¹ Sire tiyya anini hojja ira rafu halkani ch'ufa bad'aaso kiyyani oobjad'e isa barbaade ammo argu dad'abe.

² Jennaani dira ch'ufa keesa mare, kara diratifi daandi maneeniti deemtu ch'ufa bahe, bad'aaso kiyya ka anini jaalad'u barbaada, ammo argu dad'abe.

³ Worri halkani dira suni eegu na arginaani, anini waan jed'eeni, Jaala kiyya agartani?

⁴ Akuma worra biraa deemeni isa arge. Iti mamarad'e gallakisu dide, haga mana haad'a tiyyaa, d'ibu anini keesati d'alad'eeti geese.

⁵ Nad'eeni Yerusalemu, hiddifi guguftoni nati kakhad'a aka jaalala teenna keesa imbuune.

Niiti: Faaru sadeeso

⁶ Wonti aka aara ka lafa gamoojiti gad'ufa, ka aka qayyafi hit'aana daldaltuni gurgurtu urgaa kunini maani?

⁷ Solomoni ka barch'uma isaa ka hayyuma ira tau baatani d'ufu jira; ammalle askarti jaatama ta Israeli ta filaniti isa eegu jira.

⁸ Askartini tuni ch'uftinu mala goraadeeni woi had'ani guddo qabdi, ammalle lola woraanale guddo beeti. Isiini ch'ufti guddo beeti. Isiini ch'ufti goraade qabate isa tissiti, aka halkani nyaapa isa iraa eeddu.

⁹ Hayyu Solomoni barch'uma mukha dansa iraa boch'anini baatani.

¹⁰ Miili barch'uma suni qarsiini ch'okhani woya worqiini bareesani ira afaani, saabo isale, woya bule diimtu ta nad'eeni Yerusalemu ch'ote hod'iteeni mamarani.

¹¹ Koota, nad'eeni Sioni, hayyu keesani Solomoni dawaad'a, inni sure hayyuma ta haati guyya fuud'a isaa ka gammadafi qilit'ama mata isaa ira keete ufira qaba.