Faaru solomoni 1 - KITAABA WAAQA

¹ Faaru faaru ch'ufa ira dansaa ta Solomoni.

Faaru qara Niiti:

² Atini Afaani keetini d'ungo nati mat'ansita; jaalalti tante daad'i ira nati miyofti.

³ Fooleeni tante aka bookha urgofti, maqaani keetileeni aka d'ad'a qayyaa ka jige urgaa, tanaafi nad'eeni ch'ufti si jaalatti!

⁴ Nafud'ad'i, naani baqad'i, hayyu kiyya tahi, d'iibu teetitini na galad'i, achiti woliini gammanne woliini d'unne, aka taka inargini woljaalanna. Aki nad'eeni ch'ufti si jaalatu mama inqabdu!

⁵ Nad'eeni Yerusalemu, anini guraati ammo mid'aadu, guraateenni kiyya aka waaro lafa aloo ta Kedari, jira, ammo mid'aagumti tiyya aka golla mana hayyu Solomoni jirti.

⁶ Bifa tiyya jette na intufatini, adumati na gube na guraatese. Oboleyaani tiyyati nati dallane oobru zabibu keesa na hojachise. Tanaafi ch'okhachu dad'abe.

⁷ Bad'aaso kiyya, fulla ati arra ree tante tisitufi fulla isiini guyya boqatu nati himi. Maani wonti anini hori tissitu d'ibi keesa si barbaadufi?

Namicha:

⁸ Ee niiti nad'eeni ch'ufa ch'aaltu, yoyu fulla reeni tiyya ooltu imbeenne faana isi d'ai ilmoole tante d'aatu waaro tissitu tissi.

⁹ Bad'aaso tiyya anini d'alaa farda ka gaari Farao hirkisuni woli si fakeesa.

¹⁰ Geedini rifeensa mata keeti boqo si ch'ote aka faaya gurmu ira si teete.

¹¹ Nu looti worqi ta faaya qarsitini dirani sii mid'aasina.

Niiti:

¹² Hayyichi kiyya sire ufi ira ch'iise, urgaani qayya kiyya fulla ch'ufa guute,

¹³ bad'aasoni kiyya hojja harma kiyya gubba ch'iisu aka qayya nati urgaa.

¹⁴ Bad'aasoni kiyya aka daraara mukha zabibu ka oobru Engediti bahu jira.

Namicha:

¹⁵ Bad'aaso tiyya, atini akami mid'aada ilti teleeni mid'aadu aka guma sadeeqa.

¹⁶ Bad'aaso kiyya, atini akami mid'aada; mid'aagumti tante guddo qalbi na fuuti, marri dotiini sire teenna tahe,

¹⁷ hind'eesileeni dareera mana keenna taha, gubba isale ejersaani jaarani.