Faaru 97 - KITAABA WAAQA

¹ AABBO Waaqi lafa fida! Laftileeni ha gammaddu! Lafti afaani baariini jirtu ha gammaduti!

² Dumansaafi dukanti isa marsiti; inni d'ugaafi qajeelumani lafa fida.

³ Ibidi isa dura deeme, nyaapa isaa ka isa marse guba.

⁴ Angaasuuni isaa angaate lafati ifsiti; laftileeni isi agarte jennaani hollatte.

⁵ Gaareeni aka haanch'a AABBO Waaqa abba lafa ch'ufa durati bat'i.

⁶ Gubbaani d'uga isaa odeesite, akasiini gochiti ch'ufti guddinna isaa agarti.

⁷ Nama waaqoota d'ara kad'atu ch'ufa inch'eersani; waaqooti ch'ufti d'ufte AABBO Waaqa durati gajejeti.

⁸ Worri Sioni gammade, diri Yudaleeni qilit'ama, maro qorsuma tanteetitifi ee AABBO Waaqa,

⁹ Ee AABBO Waaqa gudda, atini lafa ch'ufa fida; atini waaqoota d'ibi ch'ufa ira jirta.

¹⁰ AABBO Waaqi nama waan hamtu jibbu injaalata; inni lubbu gumi isaa jabeese qorqorate, harka worra ch'ubbuu jalaa baasa.

¹¹ Ifsaani nama d'ugaati ifse, nami qajeelaleeni gammada argata.

¹² Maro waan AABBO Waaqi tolchetiifi, isani worri d'ugaa gammada galata deebisaafi.