Faaru 94 - KITAABA WAAQA

¹ Ee AABBO Waaqa, atini Waaqa nyaapa ufii haalo baafatu; dallansu tante garsiisi!

² Atini nama nama ch'ufa qoru; kai, waan kiyyiba malle kennifi!

³ Ch'ubbichi haga yoomi gammada? Ee AABBO Waaqa, haga yoomi qilit'ama?

⁴ Nami hamaani haga yoomi hameenna ufi ka tolcheeni kooru lakisa?

⁵ Ee AABBO Waaqa, worri gumi tante gaargalche, nama kanke ch'ufa dabsa.

⁶ Worri hiyyeeyifi haad'a hiyyeesa fit'e, nama gosa d'ibi, ka lafa teenna keesa taule, hobaase.

⁷ Worri waan jed'u, AABBO Waaqi nu inargu, Waaqi Israelileeni waan keenna inhubatu.

⁸ Gumi tiyya, isani akami daallooftani woi wollaaltani? Isani yoomi woi barattani?

⁹ Waaqi ka gurra nuu kenne, woi ind'agayu? Inni ka ila nuu kenne lafa inargu?

¹⁰ Inni ka gosa ch'ufa harkaa qabu, worra d'aane inqajeelchu? Inni ka nama ch'ufa barsiisu, qalbi inqabu?

¹¹ AABBO Waaqi waan nami heregu imbeekha; aka heregi namaa woma imbaanele inuma beekha.

¹² Ee AABBO Waaqa nami atini qajeelchite Seera kanke barsiiftu akami ayyaana qaba!

¹³ Atini gaargala jalaa isa baafta, haga boola qotani ch'ubbicha keesa buusaniti.

¹⁴ AABBO Waaqi gumi ufii illakisu, yokhaani nama ufii lafa imbuusu.

¹⁵ D'ugaani gaadisa korati deebite, nami d'uga qajeelani ch'ufti isi gula deema.

¹⁶ Eenuti ch'ubbicha dide wahela naa tahe? Eenuti nama hama jibbe goli naa tahe?

¹⁷ Ato AABBO Waaqi na qarqaaru baate, anini sila yoona dueti boola keesa jira.

¹⁸ Anini waan jed'e, much'uch'ad'eti jigu jira. Ammo ee AABBO Waaqa, jaalala tante ta ind'umanneeti oli naqaba.

¹⁹ Yo heregi na qabate, qalbiini tiyya waan heddu yaadde, atini na gammachiifte garaa na jabeesita.

²⁰ Atini jaarole gumbo nyaate, dubbi d'ara d'uga tolchite,

²¹ nama dansaati malate, nama woma iyyakini ijeecha iti murtu, diqole jaalate iwahelchituufi.

²² Ammo AABBO Waaqi ya na dubbate Waaqi kiyya ya siida na tae na qorqorate.

²³ Inni maro dabaafi ch'ubbu worraatifi worra gaargalche balleesa; AABBO Waaqi keenna lafa ira worra balleesa.