Faaru 90 - KITAABA WAAQA

¹ Ee AABBO Waaqa, atini haguma duriti, fulla nu iti gallu nu taate.

² Ato gaareenifi lafale inuumiini, atini Waaquma, ammalle haga jiru jireennale Waaqa.

³ Atini nama biyyeeti deebifte waan jettuuni, isani biyyeeti deebia.

⁴ Ganni kuma toko, sii, woma aka guyya toko, yokhaani akuma guyya kale ka dabre, yokhaani akuma saati nami lafa eegu iti wolkaasu.

⁵ Atini aka fach'aa bisaani nu guurte, nuu akuma oobju jira. Nu harama mid'aani fakaanna,

⁶ ta diirama baate guddate daraarte, ammo galgala qanch'oorate dootu.

⁷ Dallansuuni tante gubde nu balleesite, nu mudamsiifti.

⁸ Atini ch'ubbu teenna ufi dura d'aabde, hameenna nu d'ofanne diidati gabaafta.

⁹ Jireenna keenna ya dallansuuni tante kute gabaabsite; inni akuma hafuura ch'ita.

¹⁰ Ganni nu teennu torbatama ammo ya nu nama jaba taane saddeetamafa gaha; ammo taatule wonti nu ira argannu gaargalumafi laalala, jireenni keenna gabaaba, yoosu dabra.

¹¹ Eenuti aka dallansuuni tante jabdu beekha? Eenuti soda dallansuuni tante namaatiini d'uftu beekha?

¹² Aka guyyaani keenna gabaaba nu garsiisi aka akasiini nu qaro taanu.

¹³ Ee AABBO Waaqa, dallansuuni tante yoomi nu lakifti? Hojattu tante ch'ufaa nahi!

¹⁴ Diirama ch'ufa jaalala tante ta ind'umanneeni nu quubsi, aka nu gammanne haga jiru ch'ufa sirbinu.

¹⁵ Gammada haga atini duri ganna heddu nu gaargalchite nu laalefachiifte kana gahu nuu kenni.

¹⁶ Nu hojattu tante, huji tante jabdu garsiisi; d'alooti keennaleeni ha guddinna kanke jaba argu.

¹⁷ Ee AABBO Waaqa keenna, eeba tante nuu kenni waan nu tolchinu ch'ufa keesati nu eebisi!