Faaru 9 - KITAABA WAAQA

¹ Ee AABBO Waaqa, anini garaa tokooni si faarse, waan mama ka atini tolchite ch'ufa odeesa.

² Anini maro teetifi gammade qilit'ame si faarsa, Ee AABBO Waaqa gudda.

³ Hojja atini d'uftu, nyaapi kiyya dudda duubati deebie, lafa d'ae raawata.

⁴ Atini dubbi tiyya d'uga gula qorte d'uga naa murte.

⁵ Atini gosa si imbeenne wollaala iti murte ch'ubbichale balleesite; deebiani maqa worraa hind'aani.

⁶ Nyaapa keenna yayu hobaasani; atini dira worraale ya balleesite, deebiani maqa isale ind'awani.

⁷ Ammo AABBO Waaqi hayyu haga jiru jireenna tau. Inni barch'uma ufii ira tae dubbi nama qoruu jira.

⁸ Inni lafa ch'ufa qajeelumani fide, gosa ch'ufa d'ugaani mohata.

⁹ AABBO Waaqi fulla nami dabsani iti baqatu, inni fulla guyya gaargala iti d'eetani.

¹⁰ Nami si beekhu, ee AABBO Waaqa, si d'ugeefata; nama siti d'ufu tokole atini indiddu.

¹¹ AABBO Waaqa, ka Sioni keesa barch'uma isaa ka hayyuma gubba tau, faarsa! Waan inni tolchele gosa ch'ufati hima!

¹² Waaqi nama gaargala keesa jiru ch'ufa inqaabata; inni boha isaani inded'u, inni nama worra dabsule haalo fuud'a.

¹³ Ee AABBO Waaqa, naa nahi! Gaargala nyaapi kiyya natiini d'ufu argi! Dua keesa na baasi, ee AABBO Waaqa,

¹⁴ aka anini worra Yerusalemu dura eje, waan anini siini faarsu ch'ufa iti himu. Anini waan atini na baafteefi guddo gammada.

¹⁵ Gochiti si imbeenne yayu booluma qotatte keesati jidde; worri yayu t'ururuma isaani duude.

¹⁶ AABBO Waaqi yayu d'uga gula dubbi qore akasiini ufi mullise. Ch'ubbichileeni ya hujuma ufiitini t'urura keesa ufi buuse.

¹⁷ Muummeeni ch'ubbichatifi ta nama Waaqa diduleeni booluma duati.

¹⁸ D'ipata guyya ch'ufa dandaani inded'ani, wonti hiyyeesi heregatuleeni haga jiru jireenna duraa imbadu.

¹⁹ AABBO Waaqa kooti! Nami siini imorkiini! gosa si imbeenne ufi duraani kooti, wollaala iti muri.

²⁰ Ee AABBO Waaqa, worra rifachiisi, worri namuma, woma keesa injiru, ka akasi ufi beekhuti.