Faaru 89 - KITAABA WAAQA

¹ Ee AABBO Waaqa, anini hojja ch'ufa jaalala tante ta ind'umanne faarse, d'uga tante haga jiru jireenna odeesa.

² Anini imbeekha, aka jaalalti tante haga hegeri teete d'ugaani tanteeleni haga gubbani jirtu ch'ufa teetu.

³ Atini waan jette, Anini nama anini fohad'e wold'aqisa woliini tolfad'e hojattu tiyya Daudi waan jed'eeni,

⁴ D'aloota kanke keesa hojja ch'ufa nama hayyu tahu ind'abani. Anini hayyuma d'aloota keeti haga jiru jireenna jabeesa.

⁵ Gubbaani maro waan mama ka atini tolchitufi si faarsite, Ee AABBO Waaqa, d'uga tante guddifti.

⁶ Nami gubbaa jiru, ka aka kanke jiru injira? Worri gubbaa, nami si gahu, tokoleeni injiru.

⁷ Woldeenna worra qulqullo keesati si ulfeesani, worri suni ch'ufti si sodaata.

⁸ Ee AABBO Waaqa gudda, jabaani aka keeti tokoleeni injiru. Ee AABBO Waaqa, atini waan ch'ufa keesa d'uga tolchita.

⁹ Atini baariini ch'ufa mohate, d'awa isale ch'allisifta.

¹⁰ Atini gorjama Rahabu jed'ani ch'ach'absite ijeefte, irre tante guddooni nyaapa kanke dabsatte.

¹¹ Gubbafi laftileeni teeti, lafafi waan keesa jira ch'ufa siumati uume.

¹² Atini mirgaafi bitale uumte, gaari Taboritifi ka Hermoni gammade sii sirba.

¹³ Atini akami jabeenna qabda, irreeni tante akami jabdu!

¹⁴ Finna kanke d'ugaafi qajeeluma irati yayabani; d'ugaafi jaalalti waan atini tolchitu ch'ufa keesati mullatti.

¹⁵ Nami si kad'ate si faarsu, ka naasu tante ta ifsa keesa tau, akami gammada!

¹⁶ Maro teetifi worri hojja ch'ufa gammade, dansuma tante faarsa.

¹⁷ Atini waan guddo nu dabsachiifte, jaalala tante keesa nu jabeesita.

¹⁸ AABBO Waaqa, atini wonte teenna; siuma Waaqa qulqullo Israeliti hayyu nuu kenne.

Waan Waaqi Dauditi kakhate

¹⁹ Duri daayya keesa waan atini hojattu tante ta d'ugaatini jette; anini namicha janna toko qarqaare, nama anini gumi keesaa fohad'e barch'uma hayyu kenneefi.

²⁰ Anini hojattu tiyya Daudi yayu d'ad'a qulqullooni muude hayyu tolche.

²¹ Irreeni tiyya hojja ch'ufa isa woliini jirti, jabeenni kiyyaleeni isa jabeesa.

²² Nyaapi isaa dandae woma isa intolchu, ch'ubbichileeni dandae isa indabsatu.

²³ Anini nyaapa isaa balleese, nama isa jibbule ijeesa,

²⁴ isa jaalad'e, lakisu dide hojja ch'ufa woi dabsachiisa.

²⁵ Anini lafa inni mohatu Baariini gudda iraa fuud'e galaana Efratiti d'aaba.

²⁶ Inni waan nani jed'u, Atini abba kiyyafi Waaqa kiyya, siida kiyyafi qarqaarsa kiyya.

²⁷ Anini ilma kiyya ka angafa, hayyu hayyu ch'ufa ira jiru, isa tolcha.

²⁸ Anini waan isaati kakhad'e ch'ufa guute, wold'aqisi anini isa woliini tolfad'e haga jiru jireenna imbadu.

²⁹ Barch'umaani hayyuma haguma jiru worra isaa keesa imbahu, nami inni d'ale haguma jiru jireenna hayyu taha.

³⁰ Ammo yo nami d'aloota isaa seera kiyya ch'abse, aada tiyya gula deemu dide.

³¹ Yo worri dubbi tiyya dide jecha kiyya tufate,

³² anini maro ch'ubbu worraatifi worra uleeni d'aane, maro wollaala isaanitifi worra lichooni gaargalcha.

³³ Ammo anini Daudi jaalachu illakisu yokhaani kakhu anini iti kakhad'e guutu male intau.

³⁴ Anini wold'aqisa isa woliini tolfad'e inch'absu, yokhaani dubbi afaani kiyya baate tokole garaingalchu.

³⁵ Anini qara maqa kiyya qulqullooni Dauditi kakhad'e, deebie d'ara siti indubbad'u.

³⁶ D'aloota isaa haga jirani lafa keesa ind'abani, haga aduuni gubba jirtu anini hayyuma isaa jabeesa.

³⁷ Hayyumti isaa sunini, akuma jia haga jiru jireenna teeti.

Aka hayyu nyaapi dabsate bohani

³⁸ Ammo amma tana atini hayyu atini fohateeti dallante, dide lafa buufte.

³⁹ Atini wold'aqisa hojattu tante woliini tolfate ch'absite, sure isaa ta hayyuma biyye keesa buufte t'ureesite.

⁴⁰ Atini naabo dira isaa ch'ach'absite, maneeni isaa jajabdu ona tolchite.

⁴¹ Nami d'aatu bahu ch'ufti miha isaa saame, ollani isaa ch'ufti isaa goyeesa.

⁴² Atini nyaapa isaa ch'ufa dabsachiifte gammachiifte.

⁴³ Atini woraana isaa ch'ufa qara d'owarte, akasiini had'iisa keesati isa dabsatani.

⁴⁴ Atini boku isaa ka hayyuma iraa fuute, barch'uma isaa ka hayyumale qaarifte.

⁴⁵ Atini ato ingahiinu isaa jaarsite, aka male isa ch'eersite.

Aka qarqaarsa Waaqa kad'atani

⁴⁶ Ee AABBO Waaqa, atini haga jiru jireenna d'okhatta? Dallansuuni tante haga yoomi aka ibida bobau lakifti?

⁴⁷ Aka guyyaani kiyya gabaaba qaabad'u! Aka nami jiru jireenna inteenne qaabad'i.

⁴⁸ Nami haga jiru indoone injira? Eenuti dandae awaala dura ufi baasa?

⁴⁹ Aabbo jaalalti tante ta duri meeti? Wonti atini duri Dauditi kakhatte meeti?

⁵⁰ Aka ana hojattu tante arabsani, anini miid'a worra Waaqa imbeenne suni ch'ufa obse, qaabad'i.

⁵¹ Ee AABBO Waaqa, nyaapi kanke hayyu atini fohate muude miid'u jira, fulla inni deemu ch'ufa isa arabsani.

⁵² AABBO Waaqa haga jiru jireenna ha faarsani, Amini! Amini!