Faaru 84 - KITAABA WAAQA

¹ Mani kanke akami dansa ee AABBO Waaqa gudda.

² Anini guddo Mana kanke seenu fed'a anini guddo Mana AABBO Waaqa seeniiti d'araa. Garaa kiyyafi qalbi tiyya ch'ufaani anini gammade, Waaqa jiruu faarsa.

³ Buriyaleeni mana qabdi, worraabatileeni fulla ilmaani keesati d'altu qabdi d'aatu fulla sorio irati si baasani, Ee AABBO Waaqa gudda, hayyu kiyyafi Waaqa kiyya.

⁴ Nami Mana kanke keesati galu, ka hojja ch'ufa si faarsu, ayyaana akami qaba!

⁵ Nami irre sira argatu, ka gaara Sioni imaltu d'aqu fed'u, gammada akami qaba.

⁶ Hojja worri bale Baka keesa dabru, isiini garagalte madda bisaani taati; bokaya hagayyati isi bisaanini guuta.

⁷ Worri ato deemu jajabaate, Waaqa, waaqoota ch'ufa ira jiru, Sioni gubbati arga.

⁸ Ee AABBO Waaqa gudda, kad'acha tiyya naa d'agayi; Ee Waaqa Yakobo, na ch'aqasi!

⁹ Ee Waaqa, hayyu keenna ka atini fohate, eebisi.

¹⁰ Guyyaani toko ka Mana kanke keesa olaani, guyya kuma toko ka fulla d'ibi olaani ira jira; fulla anini mana worra ch'ubbuti galu ira, hojja anini balbala Mana Waaqa kiyya keesa eju ira naa jirti.

¹¹ AABBO Waaqi aka aduu nuu tahe, aka wonte nu qorqorate, nu qarqaare, guddinna nuu kenne, nu eebise. Inni nama d'uga gula deemu waan dansaa tokole ind'owu.

¹² Ee Waaqa gudda, nami si d'ugeefatu gammada akami qaba!