Faaru 83 - KITAABA WAAQA

¹ Ee Waaqa, afaani qabate, dubbachu dide, ch'allifte ufuma intahini!

² Me ilaali, nyaapi kanke ya siti kae, worri si jibbu ya siti garagale.

³ Worri mala hama gumi teetiti d'aate, nama atini qorqoratule balleesuu fed'a.

⁴ Worri waan jed'u, Koota, gosa worraa balleesina, aka worra Israeli deebiani inqaabanne.

⁵ Worri ch'ufti woli gale, mala woliini d'aate, goli taka woli tahe:

⁶ Worri Edomutifi ka Ishmaeli; worra Moabutiifi ka Hagri;

⁷ worra Gebalitiifi ka Amonitifi ka Amalekitifi ka Filistitifi ka Tiroleeni.

⁸ Worri Ashuruleeni yayu goli worraati darame, akanaani worra d'aloota Lutu qarqaare irre taheefi.

⁹ Waan atini worra Midianitifi worra Siseratifi Yabini galaana Kishoniti tolchite, worra tolchi.

¹⁰ Atini Endoriti worra hobaafte, reefi worra lafati shame.

¹¹ Akuma atini jaarole tana lamaani, Orebufi Zeebu tolchite, jaarole worraale tolchi. Akuma atini jara kana lamaani Zebafi Zalmuna,

¹² ka, Nu lafa Waaqaa ufuma fud'anna jed'e, dabsate, hayyoota worraale dabsad'i.

¹³ Ee Waaqa, aka bubbeeni awaara firfirsitu worra firfirsi, akuma bua buuyo ta bubbeeni fuutu.

¹⁴ Akuma ibida badda gubu yokhaani arabi ibidaa ka gareeni gubu,

¹⁵ bubbe tanteetiini worra gussi, hobombolati tanteetiini worra mudamsiisi.

¹⁶ Ee AABBO Waaqa, ch'eeraani worra balleesi, aka worri jabeenna kanke argu.

¹⁷ Worra ha dabsatani, haga jiru jireenna mudamsiisaniti; worri ha aka male ch'eere hobauti.

¹⁸ Worri ha aka atini AABBO Waaqi ch'allaani lafa ch'ufa mohate fidu, beekhuti.