Faaru 81 - KITAABA WAAQA

¹ Gammada, Waaqa jabeenna nuu kennu sirba, Waaqa Yakobo faarsa!

² Sirba, dibbeefi kiraari d'aa, faaru dansa d'aad'a.

³ Guyya baatitifi ka goobana magalata d'aa, jila tolfad'a.

⁴ Kunini seera Israeliini guutu malte, aada Waaqi Yakobo baase.

⁵ Aada suni inni gaafa worra Misiri had'e worraa kenne. Anini qonqo imbeenne toko d'agaye ta akana jettu.

⁶ Anini ulfinna isani baatani dudda iraa isani fuud'e, matofari isani baatani isani iraa lafa naqe.

⁷ Isani gaafa gaargala qabdani na yaamatani, jennaani anini d'ufe isani baase. Anini fulla mandisu, ta iti d'okhad'u keesa, isani jala owaad'e madda Meribati isani ilaalad'e.

⁸ Ee gumi tiyya, gorsa kiyya ch'aqasa; ee worra Israeli, ato sila na ch'aqaftani anini akami fed'a!

⁹ Isani Waaqa d'ibi ka gochiti d'ibiini kad'atu, diqole kad'achu himmalle.

¹⁰ Anini AABBO Waaqa keesani, ka lafa Misiri keesaa isani baase. Afaani keesani na dura qabad'a, anini isani quubsa.

¹¹ Ammo gumiini tiyya na ch'aqasu dide, worri Israeli naa saalfachuu dide.

¹² Tanaafi anini, aka worri mata jabaate, waan fed'u tahu, iti lakise.

¹³ Anini sila, hojja gumiini tiyya naa saalfate kara kiyya gula yaatu akami fed'a!

¹⁴ Anini sila maro tokotu nyaapa isaani balleese dabasad'a.

¹⁵ Nami na jibbu na sodaate na durati jilbifata; gaargali worraa haga jiru jireenna inhobau.

¹⁶ Ammo anini dargaye dansa isani nyaachise, dammani isani quubsa.