Faaru 80 - KITAABA WAAQA

¹ Ee tissitu Israeli, nu d'agayi; ee atini ka gumi tante tissitu, nu ch'aqasi. Atini ka waan lubbu qaba ka koola gubbaa barch'uma kanke ira teetu,

² gosa Efraimutifi ta Benjaminitifi ta Manaseti ufi mullisi. Irre tante nu garsiisi, kooti nu baasi!

³ Ee Waaqa ufiti nu deebisi, naasu tante nu garsiisi, aka nu baafamnu!

⁴ Ee AABBO, Waaqa gudda, atini haga yoomi kad'acha gumi teeti iraa dallanta?

⁵ Atini yayu laalefacha aka sagale nu soorachiifte, imimaani muduunu guute nu obaafte.

⁶ Atini gosa d'aatu teenna jirtu lafa teenna irati wolhaasifte, nyaapi keenna nu goyeesa.

⁷ Ee Waaqa gudda, ufiti nu deebisi! Naasu tante nu garsiisi, aka nu baafamnu!

⁸ Atini zabibu lafa Misiri keesaa baafte, gosa d'ibile lafa suni keesaa gussite, zabibu suni lafa worra keesati oobrite.

⁹ Atini aka isiini baatu lafa iti mid'aasite; hiddi isii lafa seene, lafa ch'ufa gahe.

¹⁰ Isiini gaareeni gaadiseesite, dameeni isiileeni hind'eesa gugurdale gaadiseesite.

¹¹ Dameeni isii baate, Baariini Guddafi galaana Efratiti ejite.

¹² Atini maafi dalla isiini jaarani ch'absite? Amma tana nami d'aatu bahu ch'ufti dandae mid'aani isii hata;

¹³ booyyeeni isii ira ejaanjate, bineensi alaaleni isi nyaata.

¹⁴ Ee Waaqa gudda, nuti deebi! Gubbaa nu ilaali, kooti gumi te baasi!

¹⁵ Kooti, zabibu atini oobrite, jabeesite tana baasi!

¹⁶ Nyaapi keenna yayu isi ch'ire gube; dalansuuni worra laali, worra balleesi!

¹⁷ Gumi atini fohate, gosa atini jabeenna kenniteefi qorqorad'i, jabeesi.

¹⁸ Duuba nu deebine siraa gara ingallu; nu jireesi, duuba nuleeni si faarsina.

¹⁹ Ee AABBO Waaqa gudda, ufiti nu deebisi, naasu tante nu garsiisi, aka nu baafamnu.