Faaru 79 - KITAABA WAAQA

¹ Ee Waaqa, worri si imbeenne ya d'ufe, lafa tante had'e, Mana kanke qulqullo t'ureese, dira Yerusalemu balleese ona tolche.

² Worri reefa gumi teeti allaati kenne, fooni hojattu teeti bineensa alaati lakise,

³ worri d'iiga gumi teeti akuma bisaani jisse; d'iigi akuma bisaani dira Yerusalemu keesa yae, nama reefa awaalule lafaa d'abani.

⁴ Gochiti nu d'aatu jirtu nu arabsite nu kofalte nu goyeesite.

⁵ Ee AABBO Waaqa, atini haga jiru jireenna nuti dallanta? Dallansuuni tante aka ibida bobau illakiftu?

⁶ Dallansu tante gosa si inkad'anneefi gumi maqa kanke iyyamanneti buusi.

⁷ Wonti akanatiifi worri gumi tante fit'e, lafa tantele balleese.

⁸ Ch'ubbu ababoota teennati jette nu ingaargalchini. Nu yayu ufi jibbaanne, amma nuu nahi.

⁹ Ee Waaqa, nu qarqaari, nu baasi, maro maqa keetiti jed'i, ch'ubbu teenna nu araarami nu baasi.

¹⁰ Gochiti d'ibiini maafi, Waaqi keesani me? Jette nu gaafati. Aka atini gosa d'iiga hojattu teeti jissite gaargalchitu nu garsiisi.

¹¹ Oanna nama hid'aansa keesa jiru ch'aqasi irre tante guddooni nama ijeecha iti murani baasi.

¹² Ee Aabbo Waaqa gosa arabsite si miite, maro torba haalo baafad'i.

¹³ Duuba nu, gumiini tante, hooliyeeni atini tissitu, haga jiru jireenna galata si deebimne, d'alooti keenna ch'ufti haga jiru si faarsa.