Faaru 75 - KITAABA WAAQA

¹ Nu galata si deebimna, ee Waaqa nu galata si galchina! Nu guddinna kanke odeesine, waan mama ka atini tolchite namati himna.

² Waaqi waan jed'u, Anini guyya qorsuma ya fohad'e, guyya sunile d'uguma gula namaa qora.

³ Ato wonti lubbu qaba ch'ufti holate, laftileeni chochote, anini yayaba isii injabeesa.

⁴ Anini ch'ubbichani, inkiyyibini,

⁵ kiyyiba kanke lakisi jed'aani.

⁶ Qorsumaani ilaborutiifi ila adutifi mirgaafi bitale ind'uftu.

⁷ Nami dubbi qoru Waaqa, ka nama gari wollaala iti mure ka gariti d'ugaa muru.

⁸ AABBO Waaqi muduunu daad'i ta dallansuuni isaa guute, harkaa qaba. Inni daad'i suni keesaa buuse, ch'ubbicha ch'ufa obaase, worri fooqisa.

⁹ Ammo anini haguma jiru waan Waaqa Yakobo dubbad'e isa faarsa.

¹⁰ Inni irre ch'ubbicha ch'absa, ammo irre nama d'ugaa iti daraafi.