Faaru 73 - KITAABA WAAQA

¹ Waaqi guddo worra Israeliti dansa, worra garaani isaa qulqullo.

² Ammo anini diquma ufi injibbaatini d'ugefachaani tiyyaaleeni diquma imbadiini,

³ wonti akanatiifi gaafa anini aka worri ch'ubbuu woi horate waan sunini kooreeni arge, anini worra d'iibifad'e.

⁴ Worri fayyaafi jabeenna qaba, d'ukuba inqabu.

⁵ Worri aka nama d'ibi gaargala inqabu aka biyyale ind'ipatu.

⁶ Tanaafi duuba worri kiyyiba aka imu mormati keeyate, woldidale aka woya uyyifata.

⁷ Garaani worraa hameennani guutame, qalbiini worraaleeni waan hamtu ch'alla hereddi.

⁸ Worri nama d'ibi koble, waan hamtu dubbate ufi saade, mala nama d'ibiini dabsu d'aata.

⁹ Worri Waaqa ka gubbaa jiru hameenna isaa dubbate, nama lafa gubbaa jiruleeti kiyyiba.

¹⁰ Akanaani gumiini Waaqaleeni worrati gargalte, garaa tokooni waan worri jed'e d'ugeefate.

¹¹ Worri waan jed'u, Waaqi akami waan kana beekha? Waaqi guddayaani gubbaa jiru waan kana imbeekha?

¹² Aki worri ch'ubbu jiru akana. Worri guyya ch'ufa quufeti woi horata.

¹³ Duuba anini ufuma waan hamtu tolchu dide qulqulloomaani taa?

¹⁴ Ee Waaqa, atini hojja ch'ufa na gaargalchite, diirama ch'ufa na d'aante.

¹⁵ Yo anini sila waan kana jed'e, anini nama gumi te keesa jiru infaakad'u.

¹⁶ Anini tae waan kana herege hubachu dad'abe,

¹⁷ haga mana kanke oli inseenini. Ammo seenani waan worri ch'ubbuu taka tana tahu hubad'e.

¹⁸ Atini fulla much'uch'atu worra keete badii keesa worra buufte!

¹⁹ Worra yoosu balleesani, muummeeni worraaleeni hamtu.

²⁰ Worri oobju fakaata ta diirama yo kaani waan isii imbeenne; ee AABBO, hojja atini lafaa kaatu worri imbada.

²¹ Gaafa anini aka male laalefad'e garaani na hamaate,

²² anini daallae woi wollaale, bineensa fakaad'e si hubachu dad'abe.

²³ Ammo anini hojja ch'ufa d'aatuma tante jira siuma woliini jira, atinileeni harka qabde nani deemta.

²⁴ Atini barsiifte na qajeelchite, taka tanale ulfinnaani na fud'ata.

²⁵ Anini gubbaa si male maani qaba? Anini eegi si qabaad'e lafa ira maani fed'a?

²⁶ Ato qalbiifi nafi kiyya laafele jabeenni kiyya Waaqa, isa male anini waan d'ibi infed'u.

²⁷ Nami si lakisu inuma badda; atini nama siraa gore imballeesita.

²⁸ Ammo anini gama kiyyaani, yo Waaqati d'iaad'e, guddo ira naa jirti; nami anini iti baqad'u AABBO Waaqa gudda; waan atini tolchite anini biyyati odeesa.